International
Notification
Notification
Submit Cancel

திருமணத்திற்கு எந்த உடை அணியலாம்? இணையவாசிகளை வினவும் 93 வயது மணப்பெண்

Topics :
advertisement

அவுஸ்திரேலியாவில் 93 வயது மணப்பெண் ஒருவர் திருமணத்திற்கு எந்த உடை அணியலாம் எனக் கேட்டு பதிவேற்றியுள்ள பேஸ்புக் பதிவு தற்போது வைரலாகியுள்ளது.

அவுஸ்திரேலியாவின் அடிலெய்ட் பகுதியில் குடியிருந்து வருபவர் 93 வயதாகும் சில்வியா. இவர் தற்போது தமது நீண்ட நாள் நண்பரை திருமணம் செய்து கொள்ள முடிவு செய்துள்ளார்.

இதனையடுத்து திருமண நாளில் எந்த உடை அணியலாம் என சில புகைப்படங்களை தமது பேஸ்புக் பக்கத்தில் வெளியிட்டு இணையவாசிகளிடம் வினவியுள்ளார்.

93 வயதாகும் சில்வியா 88 வயதாகும் பிராங்க் என்பவரை திருமணம் செய்ய இருக்கிறார். கடந்த 20 ஆண்டுகளாக சில்வியாவுடன் நெருங்கிய நட்பில் இருக்கும் பிராங்க், பல முறை சில்வியாவிடம் தம்மை திருமணம் செய்து கொள்ள கேட்டிருக்கிறார்.

ஆனாலும் மரணமடைந்த தமது முன்னாள் கணவருக்கு அவமரியாதை செய்ய விரும்பவில்லை எனக் கூறி பிராங்கின் கோரிக்கையை நிராகரித்து வந்துள்ளார்.

இதனிடையே சில்வியாவுக்கு உடல்நிலை பாதிக்கப்படவே அடிலெய்ட் நகரில் இருந்து கான்பெர்ராவுக்கு குடிபெயர திட்டமிட்டுள்ளார். மட்டுமின்றி பிராங்கையும் தம்முடன் வர அழைத்துள்ளார். இதனையடுத்து இருவரும் திருமணம் செய்ய ஒப்புக்கொண்டுள்ளனர்.

இதனையடுத்தே சில்வியா தமது திருமண உடை குறித்து இணையவாசிகளிடம் ஆலோசனை கோரியுள்ளார்.

மேலும் அவுஸ்திரேலியா செய்திகளைப் படிக்க இங்கே அழுத்தவும்

advertisement
Send Feedback
Arbin
Journalist
advertisement
advertisement