ஜஸ்டின் ட்ரூடோ வெளியிட்ட படத்தால் “தலை குனிந்த” அமெரிக்க அதிபர்

Report Print Balamanuvelan in கனடா
467Shares
467Shares
lankasrimarket.com

சமீபத்தில் G7 மாநாட்டின்போது எடுக்கப்பட்ட புகைப்படம் ஒன்றை கனடா பிரதமர் ஜஸ்டின் ட்ரூடோ வெளியிட்டதால் அமெரிக்க அதிபர் டொனால்ட் டிரம்ப் “தலை குனிய” நேரிட்டுள்ளது.

அந்த புகைப்படத்தில் அமெரிக்க அதிபர் டொனால்ட் டிரம்பின் அருகில் நிற்கும் 6'2'' உயரம் உள்ள கனடா பிரதமர் ஜஸ்டின் ட்ரூடோ டிரம்பை விட உயரமாக காட்சியளிக்கிறார்.

இதில் வேடிக்கை என்னவென்றால் இந்த ஆண்டு ஜனவரி மாதம் 16 ஆம் திகதி வெளியிடப்பட்ட அமெரிக்க அதிபரின் மருத்துவ அறிக்கையில் அவரது உயரம் 6'3'' (75 இஞ்ச்கள்) என குறிப்பிடப்பட்டுள்ளது.

ஆனால் தற்போது ஜஸ்டின் ட்ரூடோ வெளியிட்டுள்ள படத்தால் வெள்ளை மாளிகை பொய் சொல்லியுள்ளதா என கேள்வி எழுந்துள்ளது.

அது மட்டுமின்றி டிரம்பின் தற்போதைய எடையின்படி (236 பவுண்டுகள்) 6'3'' உயரம் உள்ள அவரின் BMI 29.9 ஆகும்.

இந்த BMI, 30 ஆக இருந்தால் டிரம்ப் குண்டானவர்கள் பட்டியலில் இடம்பெற வேண்டும். அதை தவிர்ப்பதற்காகவே அவரது மருத்துவ அறிக்கை பொய்யான தகவல்களுடன் தயாரிக்கப்பட்டதாக கருதப்படுகிறது.

2016 தேர்தலுக்குமுன் டிரம்பின் நீண்ட நாள் மருத்துவரான Dr. Harold Bornstein ஒரு மருத்துவ அறிக்கையை வெளியிட்டு அதின்படி டிரம்ப் சிறப்பான உடல் நலத்துடன் இருப்பதாகக் கூறியிருந்தார்.

டிரம்ப் அதிபராக தேர்ந்தெடுக்கப்பட்டால் இதுவரை அதிபராக தேர்ந்தெடுக்கப்பட்டவர்களிலேயே அவர்தான் சிறந்த உடல் நலமுடையவர் என ஏகமனதாக நான் தெரிவிக்கிறேன் என்று அவர் கூறியிருந்தார்.

ஆனால் பின்னர் அவர் அந்த கடிதத்தை டிரம்ப் சொல்லச் சொல்ல தான் பூர்த்தி செய்ததாகக் கூறி பின் வாங்கியது குறிப்பிடத்தக்கது.

தற்போது கனடா பிரதமர் ஜஸ்டின் ட்ரூடோ வெளியிட்ட படம் பழைய உண்மைகளை கிளறி, உண்மையாகவே அமெரிக்க அதிபர் டொனால்ட் டிரம்பை ”தலை குனிய” வைத்துள்ளது என்றே கூறலாம்.

மேலும் கனடா செய்திகளைப் படிக்க இங்கே அழுத்தவும்