சிரியா மண்ணில் ரத்தத்துளிகள்: வைரமுத்து உருக்கம்

Report Print Arbin Arbin in பொழுதுபோக்கு
0Shares
0Shares
lankasrimarket.com

சிரியாவில் நடைபெற்று வரும் உள்நாட்டுப் போருக்கு 150 மேற்பட்ட குழந்தைகள் பலியான நிலையில் , இந்த சம்பவம் தொடர்பாக கவிஞர் வைரமுத்து உருக்கமான கவிதை ஒன்றை வெளியிட்டுள்ளார்.

சிரியாவின் கிழக்கு கவுட்டாவில் நடந்து வரும் உள்நாட்டுப் போரில் சுமார் 150க்கு மேற்பட்ட குழந்தைகள் கொல்லப்பட்டனர்.

கடந்த பல ஆண்டுகளாக நடைபெற்று வரும் போரின் உச்சகட்டமாக இந்தக் கொடூரம் நிகழ்ந்துள்ளது. இத்தாக்குதல் தொடர்பாக செய்திகள், புகைப்படங்கள் உலக நாடுகளை அதிரவைத்துள்ளன.

தாக்குதலுக்கு பலியான பிஞ்சு குழந்தைகளின் அழுகுரல்கள் உலக மக்களின் வயிலாக உணரப்படுகிறது.

கிளர்ச்சியாளர்களின் பிடியிலிருக்கும் கிழக்கு கவுட்டாவில், தினமும் ஐந்து மணி நேரம் போர் நிறுத்தம் செய்யப்படும் என்று ரஷ்ய ஜனாதிபதி விளாடிமிர் புடின் உத்தரவிட்டார்.

இந்த உத்தரவு இன்னும் செயல்படவில்லை என்று அங்குள்ள ஊடகங்கள் கருத்து தெரிவிக்கின்றன. இலங்கலையில் நடைபெற்ற இனப்படுகொலை போலவே இந்த சம்பவம் உள்ளது. இதற்கு எதிராக பல நாடுகள் கண்டம் தெரிவித்து வருகின்றன.

சிரியாவில் நடைபெறும் தாகுதலுக்கு கண்டனம் தெரிவிக்கும் வகையில் கவிஞர் வைரமுத்து கவிதை ஒன்றை வெளியிட்டுள்ளார்.

அவரே அந்தக் கவிதையை பேசி வீடியோவாக வெளியிட்டுள்ளார். அதில் அவர் கூறியிருப்பதாவது ‘ சிரியா மண்ணே சிரி. மழை அறியாத சிரியா மண்ணில் தற்போது ரத்தத்துளிகள் கொட்டுகிறது. கருவறையில் காப்பாற்றிய குழந்தைகளை தற்போது புதைகுழியில் வைத்து காப்பாற்றி வருகின்றனர் தாய்மார்கள்.

கான்கிரீட் கட்டிடங்கள் கல்லறைகளாக மாறியுள்ளது. இடிபாடுகளில் சிக்கி மீட்கப்பட்ட குழந்தைகள் ஒரு புறம், அவர்கள் இழந்த பாதி சதைப்பகுதி புதைகுழிகளில் கிடக்கிறது.

உணவு மேஜையில் பிணங்கள் வைக்கப்படுகிறது. சிரியா வீதிகளில் உயிரற்ற பிணங்கள் குவிந்துள்ளன''.என்று குறிப்பிட்டுள்ளார்.

மேலும் பொழுதுபோக்கு செய்திகளைப் படிக்க இங்கே அழுத்தவும்