இலங்கையின் நீச்சல் வீரர், ஹெஷான் உனம்புவ ஒலிம்பிக் போட்டிகளில் 100 மீற்றர் பின்னால் நீந்தும் போட்டியில் கலந்து கொண்டிருந்தார். இந்த சுற்றில் ஹெஷானுக்கு இரண்டாம் இடம் கிடைத்தது.

இதன்பொருட்டு அவர் 57.94 நொடிகளை செலவிட்டதாக தெரிவிக்கப்பட்டுள்ளது. பாபடோசின் நீச்சல் வீரர் 56.7 நொடிகளில் போட்டி முடிவை அடைந்து முதலிடத்தை பெற்றுக்கொண்டார்.

எனினும், இலங்கை வீரர் ஹெஷானுக்கு அரையிறுதியில் பங்கு பற்றுவதற்கான வாய்ப்பு கிடைக்கவில்லை. இதேவேளை, பெட்மின்டன் போட்டியின் முதல் சுற்றியில் இலங்கை வீராங்கணை திலினி ஜயசிங்க பங்குபற்றினார்.

அவருக்கு எதிராக தாய்லாந்து வீராங்கனையொருவர் போட்டியிட்டிருந்தார். எனினும், முதல் சுற்றில் திலினி தோல்வியடைந்தார். அந்த சுற்றில் 21 க்கு 5 மற்றும் 21 க்கு 13 என்ற செட் கணக்கில் தாய்லாந்து வீராங்கனை வெற்றி பெற்றார்.