டிரம்பிற்கு மனநல பரிசோதனை அவசியமில்லை: வெள்ளை மாளிகை

Report Print Kabilan in அமெரிக்கா
76Shares
76Shares
lankasrimarket.com

அமெரிக்க ஜனாதிபதி டொனால்டு டிரம்பிற்கு மருத்துவ பரிசோதனை செய்யப்பட்டுள்ளது, மனநல பரிசோதனை எதுவும் செய்யப்படவில்லை என வெள்ளை மாளிகை தெரிவித்துள்ளது.

அமெரிக்க ஜனாதிபதியாக இருக்கும் எல்லோருக்கும் மருத்துவ பரிசோதனை செய்ய வேண்டியது கட்டாயமாகும்.

ஆனால், தற்போதைய அமெரிக்க ஜனாதிபதி டொனால்டு டிரம்பிற்கு அப்பரிசோதனை செய்யப்படாமல் இருந்தது.

இந்நிலையில், கடந்த ஒரு வாரமாகவே டிரம்பின் மனநிலை குறித்த சர்ச்சைகள் எழுந்ததைத் தொடர்ந்து, நேற்று அவருக்கு மருத்துவ பரிசோதனை நடந்தது.

இதன் முடிவு வரும் 12ஆம் திகதி இணையத்தில் வெளியாகும் என கூறப்படுகிறது.

வெள்ளை மாளிகை வெளியிட்டுள்ள அறிக்கையில், டிரம்பின் உடல்நிலை நன்றாக உள்ளது, அவரின் உடலில் பெரிய அளவில் பயமுறுத்தும் வகையிலான பிரச்சனைகள் எதுவும் இல்லை, உணவு பழக்கவழக்கம் மட்டும் சற்று மோசமாக உள்ளது.

அவருக்கு மனரீதியான எந்த பரிசோதனையும் நடத்தப்படவில்லை, அதற்கான அவசியமும் ஏற்படவில்லை’ என தெரிவித்துள்ளது.

அமெரிக்காவின் பிரபல எழுத்தாளரான மைக்கேல் வுல்ப் எழுதிய ‘Fire and Fury: Inside the Trump's White House' எனும் புத்தகம், இரண்டு நாட்களுக்கு முன்னர் வெளியானது, இதில் பலரும் டிரம்ப் மனநலம் பாதித்தவர் என்று குறிப்பிட்டு இருந்தனர் என்பது குறிப்பிடத்தக்கது.

மேலும் அமெரிக்கா செய்திகளைப் படிக்க இங்கே அழுத்தவும்