கோலி டி20 கேப்டன் பதவியை விட்டு விலக மூன்று முக்கிய காரணங்கள்! என்னென்ன தெரியுமா? முழு தகவல்
இந்திய அணியின் டி20 கேப்டன் பதவியில் இருந்து கோஹ்லி விலகுவதற்கு மூன்று முக்கிய காரணங்கள் வெளியாகியுள்ளது.
ஐக்கிய அரபு அமீரகத்தில் உலகக்கோப்பை டி20 தொடருக்கான போட்டி, வரும் அக்டோபர் மாதம் நடைபெறவுள்ளது. இதற்காக அனைத்து அணி வீரர்களும் தீவிர வலைப் பயிற்சியில் ஈடுபட்டு வருகின்றனர்.
இந்நிலையில், சற்று முன் இந்திய அணியின் தலைவரான கோலி, டி20 உலகக்கோப்பைக்கு பின் டி20 கேப்டன் பதவியில் இருந்து விலகுவதாக அறிவித்தார். இது கோலியின் ரசிகர்கள் பலருக்கும் கடும் அதிர்ச்சியாக உள்ளது.
இந்நிலையில், கோலி கேப்டன் பதவியை விட்டு விலகுவதற்கு மூன்று முக்கிய காரணங்கள் என்ன என்பது குறித்து தகவல் வெளியாகியுள்ளது.
அதில், இந்திய கிரிக்கெட்டின் பணிச்சுமை, கோலி தொடர்ந்து போட்டிகளில் விளையாடி வருவதால், அவருக்கு ஓய்வு என்பது மிகவும் குறைவு. இதன் காரணமாகவே, கடந்த 2018-ஆம் ஆண்டு ஆசிய கோப்பை மற்றும் இலங்கையில் நடைபெற்ற நிதாஸ் டிராபி தொடரிலும் விளையாடவில்லை.
இதனால் பிசிசிஐ அவருக்கு ஓய்வு அளிக்க வேண்டும், அப்போது தான் அவரால் பேட்டிங்கில் தொடர்ந்து கவனம் செலுத்த முடியும் என்று நம்புகிறது.
தற்போது டி20 கேப்டன் பதவியை விட்டு விலகியுள்ளதால், அவருக்கு பணிச்சுமை என்பது குறைய வாய்ப்புள்ளது. இது ஒரு சரியான முடிவு என்று பார்க்கப்படுகிறது.
இரண்டாவது ரோகித் சர்மாவை கூறலாம், ஏனெனில் ஒரு கேப்டனாக ரோகித்சர்மா சிறப்பாக செயல்பட்டு வருகிறார். இவர் தலைமையிலான மும்பை இந்தியன்ஸ் அணி, ஐந்து முறை சாம்பியன் பட்டம் வென்றுள்ளது.
ஆனால் அதே நேரத்தில் கோலி, ஒரு முறை கேப்டனாக ஐபிஎல் தொடரிலும் கோப்பை வெல்லவில்லை, ஐசிசி தொடரிலும் வெல்லவில்லை. அதுமட்டுமின்றி அந்த 2018-ஆம் ஆண்டு நடைபெற்ற ஆசிய கோப்பை மற்றும் நிதாஸ் கோப்பை தொடருக்கு ரோகித்தே கேப்டன் ஆக இருந்தார்.
உண்மையில் கோலியை விட, ரோகித்திற்கு டி20 போட்டியில் வெற்றி சதவீதம் அதிகம், இதுவே ஒருவித மன நெருக்கடியை கொடுத்திருக்கலாம்.
மூன்றாவதாக, கோலி இதுவரை ஒரு ஐசிசி கோப்பை கூட வென்று கொடுக்கவில்லை, இதுவரை மூன்று முக்கியமான ஐசிசி தொடர்களில் கேப்டனாக இருந்த கோலியால், ஒரு முறை கூட கோப்பையை வென்று கொடுக்க முடியவில்லை.
2017 சாம்பியன்ஸ் டிராபி, 2019 உலகக்கோப்பை மற்றும் உலக டெஸ்ட் சாம்பியன்ஷிப். மூன்றிலும், இந்தியா நெருங்கி தான் வந்ததே தவிர, அவரால் ஜெயிக்க முடியவில்லை.
ஆனால், அதே சமயம் கோலி டெஸ்ட் போட்டியில் ஒரு சாதனைக் கேப்டனாக வலம் வருகிறார். இதுவரை கேப்டனாக விளையாடியுள்ள 65 போட்டிகளில் இந்தியா 38 வெற்றிகளை பெற்றுள்ளது, கோலி டெஸ்ட்டுக்கு ஒரு சிறந்த கேப்டன் என்பதை யாராலும் மறுக்க முடியாது என்பது குறிப்பிடத்தக்கது.