லங்காசிறி FM
கடைசியாக... பிரித்தானியாவின் வலியுறுத்தலுக்கு இணங்கியது பிரான்ஸ்
பிரித்தானியாவில் ஆயிரம் பிரச்சினைகள் இருந்தும், புலம்பெயர்தல் முக்கிய பிரச்சினையாகிவிட்ட நிலையில், சட்டவிரோத புலம்பெயர்தலைக் கட்டுப்படுத்துவதற்கே தனியாக ஒரு அமைச்சர் பணி செய்துவருகிறார்.
அவர் ஆங்கிலக்கால்வாய் வழியாக பிரான்சிலிருந்து பிரித்தானியாவுக்குள் நுழையும் புலம்பெயர்வோரைக் கட்டுப்படுத்துவதற்காக பல்வேறு நடவடிக்கைகளை எடுத்துவருகிறார்.
தங்கள் நடவடிக்கைகளுக்கு உதவியாக இருக்குமாறு பிரான்சையும் பிரித்தானிய தரப்பு வலியுறுத்திவருகிறது.
பிரித்தானியாவின் வலியுறுத்தலுக்கு இணங்கியது பிரான்ஸ்
இந்நிலையில், பிரித்தானிய பிரதமரான கெய்ர் ஸ்டார்மர், பிரான்ஸ் ஜனாதிபதியான இமானுவல் மேக்ரானுக்கு கடிதம் ஒன்றை எழுதியுள்ளதாக தகவல் கசிந்துள்ளது.
அந்தக் கடிதத்தில், பிரான்சிலிருந்து எக்கச்சக்கமான புலம்பெயர்வோரை ஏற்றிக்கொண்டு பிரித்தானியாவுக்குப் புறப்படும் படகுகளைத் தடுத்து நிறுத்த பிரான்ஸ் நாட்டு பொலிசார் தலையிடுவது அவசியம் என கூறியுள்ளார் ஸ்டார்மர்.
மேலும், புலம்பெயர்வோரை ஏற்றிக்கொள்ள வரும் சிறுபடகுகளை, படகில் புலம்பெயர்வோர் ஏறுவதற்கு முன்பே பிரான்ஸ் பாதுகாப்புப் படையினர் கடலிலேயே தடுத்து நிறுத்தவேண்டும் என்றும் ஸ்டார்மர் கோரியுள்ளார்.
மேலும், இந்த மாதத்திலேயே இந்த நடவடிக்கைகளைத் துவக்குவது அத்தியாவசியம் என்றும், புலம்பெயர்வோர் படகுகள் ஆங்கிலக்கால்வாயில் பயணிக்கத் துவங்கியபிறகு படகுகளைத் தடுத்து நிறுத்துவதற்கேற்ற சரியான நடைமுறைகள் எதுவும் இல்லை என்றும் ஸ்டார்மர் குறிப்பிட்டுள்ளதாக பிரான்ஸ் ஊடகங்களில் வெளியாகிவரும் செய்திகள் தெரிவிக்கின்றன.
இந்நிலையில், அந்தக் கோரிக்கைகளை பிரான்ஸ் ஏற்றுக்கொண்டதாக தற்போது தகவல் வெளியாகியுள்ளது.
ஆக, விரைவில் பிரான்ஸ் நாட்டு பொலிசார், புலம்பெயர்வோரை ஏற்றிக்கொண்டு பிரித்தானியாவுக்கு புறப்படும் படகுகளில் புலம்பெயர்வோர் ஏறுவதற்கு முன்னதாகவே படகுகளை தடுத்து நிறுத்த இருப்பதாக நம்பப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
