லங்காசிறி FM
ஐரோப்பிய தலைவர்களின் எதிர்ப்பை மீறி புடினை ரஷ்யாவில் சந்தித்த ஒரு நாட்டின் பிரதமர்
உக்ரைனில் போரை முடிவுக்குக் கொண்டுவருவதற்கான அமெரிக்காவின் அழுத்தம் குறித்து ரஷ்யா பேச்சுவார்த்தை நடத்துவதற்கு சில நாட்களுக்கு முன்பு, ஹங்கேரிய பிரதமர் விக்டர் ஓர்பன் மாஸ்கோவில் ஜனாதிபதி விளாடிமிர் புடினை சந்தித்துள்ளார்.
ஓர்பன் சிக்கலில்
ஐரோப்பாவில் புடினின் நெருங்கிய கூட்டாளிகளில் ஒருவராக ஓர்பன் பார்க்கப்படுகிறார். மட்டுமின்றி, தொடர்ந்து ரஷ்ய ஆதரவு நிலை எடுத்து வருவதன் மூலம் அவர் தனது நேட்டோ மற்றும் ஐரோப்பிய ஒன்றிய நட்பு நாடுகளை கோபப்படுத்தியுள்ளார்.
இதனாலையே, ஓர்பன் சிக்கலில் இருக்கிறார் என்றும் புடின் குறிப்பிட்டுள்ளார். இந்த நிலையில், ஹங்கேரி வெளிவிவகார அமைச்சர் Peter Szijjarto தமது சமூக ஊடக பக்கத்தில்,
மாஸ்கோ விஜயத்தால் ஹங்கேரி மக்கள் பெற்றுக்கொண்டவை என, ரஷ்ய எண்ணெய் மற்றும் எரிவாயு வழங்கலுக்கு உத்தரவாதம், பாக்ஸ் அணுமின் நிலையத்தின் கட்டுமானத்தைத் தொடர ஒப்பந்தம் உள்ளிட்டவை என பட்டியலிட்டுள்ளார்.
ஆனால், ஓர்பனின் ரஷ்ய விஜயத்தை விமர்சித்துள்ள ஜேர்மனியின் சேன்சலர் ஃப்ரெட்ரிக் மெர்ஸ், அவர் ஐரோப்பியாவின் ஒப்புதல் இல்லாமல் செயல்படுகிறார், எங்களுடன் கலந்தாலோசிக்காமல் அவ்வாறு செய்கிறார், ஆனால் அது ஒன்றும் புதிதல்ல என செய்தியாளர்களிடம் தெரிவித்துள்ளார்.
தோற்கடிக்கப்படலாம்
மேலும், உக்ரைன் போரை முடிவுக்குக் கொண்டுவருவது குறித்து அவருக்கு சொந்தக் கருத்துக்கள் உள்ளன. ஆனால் இதுவரை அவை பலனளிக்கவில்லை. எங்களை விட சிறந்த யோசனை யாரிடமாவது இருந்தால், அது மிகவும் வரவேற்கத்தக்கது.
துரதிர்ஷ்டவசமாக, கடந்த முறையை விட இந்த முறை அதிக வெற்றியைப் பெறுமா என்பது எனக்கு சந்தேகமே என்றார். வெளியான தகவலின் அடிப்படையில், உக்ரைன் சமாதான ஒப்பந்தம் தொடர்பில் ஹங்கேரி ஆர்வமாக இருப்பதாக ஓர்பன் புடினிடம் கூறியுள்ளார்.
அடுத்த ஆண்டு ஏப்ரல் மாதம் ஹங்கேரியில் தேர்தல் நடக்கவிருக்கிறது. ஓர்பனின் Fidesz கட்சி 15 ஆண்டுகளில் முதல் முறையாக தேர்தலில் தோற்கடிக்கப்படலாம் என்று கருத்துக் கணிப்புகள் தெரிவிக்கின்றன.
ஆனால், புடின் - ட்ரம்ப் சந்திப்பை ஹங்கேயில் முன்னெடுக்க ஓர்பன் முயற்சிகள் மேற்கொண்டால், தேர்தல் வெற்றிக்கு வாய்ப்பிருப்பதாக கூறப்படுகிறது. ஆனால், ஜனாதிபதி ட்ரம்ப் அப்படியான சந்திப்பை ஏற்கனவே ரத்து செய்துள்ளார் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
