செவ்வாயின் வக்ர பெயர்ச்சி : பெரும் கஷ்டத்தை சந்திக்கப் போகும் ராசிக்காரர்கள் யார்?

Report Print Kavitha in ஜோதிடம்

செவ்வாய் தனது சொந்த ராசியான மேஷ ராசியில் இருந்து மீன ராசிக்கு அக்டோபர் 4 ஆம் தேதி வக்ர நிலையில் பெயர்ச்சி அடைகிறார்.

மீன ராசியில் நவம்பர் 14 வரை வக்ர நிலையில் இருப்பார். பின் மீண்டும் தனது பழைய நிலையான மேஷ ராசிக்கு டிசம்பர் 24 அன்று செல்கிறார்.

அந்தவகையில் செவ்வாயின் இந்த பிற்போக்கு வக்ர பெயர்ச்சி ஒவ்வொரு ராசியிலும் எம்மாதிரியான தாக்கத்தை 12 ராசிக்காரர்களுக்கு ஏற்படுத்தப்போகின்றார் என பார்ப்போம்.

மேஷம்

செவ்வாயின் வக்ர பெயர்ச்சியால், மேஷ ராசிக்காரர்கள் ஆரோக்கிய பிரச்சனைகளை சந்திப்பார்கள். ஆரம்பத்திலேயே உடல்நல பிரச்சனையை கவனித்து சிகிச்சை மேற்கொள்ளாவிட்டால், அது தேவையற்ற செலவுகளுக்கு வழிவகுக்கும்.

அதோடு மன அழுத்தம் மற்றும் கவலையையும் ஏற்படுத்தும். திருமணமானவர்கள், தங்கள் துணையுடன் சில சிக்கல்களை சந்திக்க வாய்ப்புள்ளது.

திருமணம் செய்ய நினைப்பவர்கள் பொறுமையாக இருப்பது நல்லது. தொழில் ரீதியாக, சில சிக்கல்களை நீங்கள் எதிர்கொள்ளக்கூடும்.

இது உங்களை கவலையடையச் செய்யலாம். அதோடு உங்கள் திறன்களின் அவநம்பிக்கை, எதிர்மறை மற்றும் சந்தேகங்களையும் ஏற்படுத்தி, பிரச்சனையை மோசமாக்கும்.

ரிஷபம்

செவ்வாயின் வக்ர பெயர்ச்சி, வெற்றி மற்றும் லாபங்களின் வீடான 11 ஆவது வீட்டில் நடைபெறுகிறது. இதனால் இந்த காலம் உங்களுக்கு லாபகரமாக இருக்கும்.

உங்கள் துணையுடனான உறவு மேம்படும். வீட்டிற்கு தேவையான பொருட்களை வாங்க பணத்தை செலவு செய்வீர்கள். உங்கள் ஆரோக்கியத்தை மேம்படுத்த நீங்கள் யோகா அல்லது உடற்பயிற்சி செய்ய நீண்ட காலமாக யோசித்துக் கொண்டிருந்தால், அதற்கு இந்த காலம் ஒரு சிறப்பான காலம்.

மிதுனம்

செவ்வாய் மிதுன ராசியில் தொழில் வீடான 10 ஆவது வீட்டில் வக்ர பெயர்ச்சி அடைகிறார். இந்த காலக்கட்டத்தில் உங்கள் நிதி நிலைமை நன்றாக இருக்கும். இந்த காலத்தில் சவால்களையும், போட்டிகளையும் எதிர்கொள்ளப் போகிறீர்கள். இந்த பெயர்ச்சியால் உங்கள் தனிப்பட்ட மற்றும் தொழில் வாழ்க்கையில் எதிர்மறையான முடிவுகளைத் தரும்.

இந்த காலத்தில் யாருடனும் மோதல்களில் ஈடுபடாதீர்கள். மாறாக உங்கள் உற்பத்தி திறனை அதிகரிப்பதில் உங்கள் கவனத்தை திசைத் திருப்புங்கள். இந்த வக்ர பெயர்ச்சியால் உங்கள் கவனம் தொழில் மீது இருப்பதால், உறவுகளில் சில ஏற்றத்தாழ்வுகளை சந்திப்பீர்கள்.

வாழ்க்கைத் துணையுடனான தவறான புரிதல்களைத் தவிர்க்க, எதிலும் ஒன்றிணைந்து செயல்படுங்கள். உடல் ஆரோக்கியம் சிறப்பாக இருக்க உடற்பயிற்சிகளில் தினமும் ஈடுபடுங்கள்.

கடகம்

கடக ராசியின் உயர் கல்வி மற்றும் அதிர்ஷ்டத்தைக் குறிக்கும் ஒன்பதாவது வீட்டில் செவ்வாய் வக்ர பெயர்ச்சி நடைபெறுகிறது. உங்கள் திட்டங்களை நிறைவேற்றுவது கடினமாக இருக்கும்.

இந்த காலம் உங்கள் திறன்களை மேம்படுத்துவதற்கான சரியான காலமாகும். மூத்தவர்களிடமிருந்தோ அல்லது உயர் நிர்வாகத்தினரிடமிருந்தோ ஆலோசனை பெறுவது இந்த காலகட்டத்தில் மிகவும் உதவியாக இருக்கும்.

இந்த காலகட்டத்தில் எந்தவிதமான பயணத்தையும் முயற்சி செய்து தவிர்க்கவும், ஏனெனில் அவை தேவையற்ற செலவு மற்றும் இழப்புகளை ஏற்படுத்தக்கூடும். தனிப்பட்ட முறையில், உறவுகளில் சில ஏற்ற தாழ்வுகள் இருக்கலாம்.

ஆரோக்கியத்தைப் பொறுத்தவரை அதிகம் கவலைக் கொள்ளத் தேவையில்லை. ஆனால் பிபி அல்லது இரத்தம் சம்பந்தமான பிரச்சனைகள் இருந்தால், எச்சரிக்கையாக இருக்க வேண்டும்.

சிம்மம்

செவ்வாய் வக்ர பெயர்ச்சியால் சிம்ம ராசிக்கார்கள் பணத்தைக் கையாள்வதில் மிகவும் கவனமாக இருக்க வேண்டும். பணத்தை ஒரு விஷயத்தில் செலவழிக்கும் முன் யோசிப்பது நல்லது. இல்லாவிட்டால், அது உங்களுக்கு மேலும் செலவை இழுத்துவிட்டுவிடும்.

செவ்வாயின் இந்த வக்ர பெயர்ச்சி திருமண வாழ்க்கையில் உங்கள் துணையுடனான தூரத்தை அதிகரிக்கும்.

முக்கியமாக இந்த பெயர்ச்சியால் உங்கள் ஆரோக்கியம் மோசமாகி, பல சிக்கல்களை சந்திக்கக்கூடும். ஆகவே கவனமாக இருப்பதோடு, ஆரோக்கியமான உணவைத் தேர்ந்தெடுத்து உண்ணுங்கள்.

கன்னி

செவ்வாய் வக்ர பெயர்ச்சியால், உங்கள் உறவில் சில மோசமான தருணங்களை சந்திக்க வேண்டியிருக்கும். சரியான நேரம் வரும் வரை பொறுமையாக இருக்க வேண்டியது அவசியம்.

நீங்கள் யாரையேனும் காதலித்து வந்தால், திருமணம் செய்வதற்கான சரியான காலமாக இந்த காலம் இருக்கும். எதிலும் முதலீடு செய்யாமல் இருப்பது நல்லது. அப்படியே முதலீடு செய்வதாக இருந்தாலும், கவனமாக இருங்கள். மொத்தத்தில் நிதி விஷயத்தில் மிகவும் கவனமாக இருங்கள்.

துலாம்

துலாம் ராசிக்காரர்கள் இந்த பெயர்ச்சியால் தங்களின் இலக்கை அடைய மிகவும் கடினமாக உழைக்க வேண்டியிருக்கும். நிதி ரீதியாக, நீங்கள் உங்கள் கடன்களையும், நிலுவைக் கடன்களையும் செலுத்தத் திட்டமிட்டிருந்தால், இது மிகவும் நல்ல நேரம்.

இருப்பினும், யாருக்கும் பணம் கொடுப்பதைத் தவிர்க்கவும், ஏனெனில் அதை மீட்டெடுப்பது கடினம். துலாம் ராசிக்காரர்களின் வாழ்க்கைத் துணையின் ஆரோக்கியம் மோசமாக வாய்ப்புள்ளது.

எனவே முடிந்தவரை அவர்களுடன் தரமான நேரத்தை முயற்சி செய்து செலவிடுங்கள். நீங்கள் நீண்ட காலமாக ஒரு நோய் அல்லது நோயால் பாதிக்கப்பட்டிருந்தால், இந்த காலம் அந்த நோயிலிருந்து முழுமையாக மீள உதவும்.

விருச்சிகம்

செவ்வாய் வக்ர பெயர்ச்சியால் விருச்சிக ராசிக்காரர்களின் நிதியைப் பற்றி பேசுவதானால், பணத்தை ஒரே இடத்தில் முதலீடு செய்வதற்கு பதிலாக, சிறிய அளவிலான பணத்தை வெவ்வெறு விஷயங்களில் முதலீடு செய்தால், நீண்ட காலத்திற்கு சாதகமான முடிவுகளைத் தரும். நீங்கள் எளிதில் எரிச்சலடைவீர்கள்.

உங்கள் வாழ்க்கை துணையுடனான உறவை பேணுவதற்கு கடுமையாக உழைக்க வேண்டியிருக்கும். தேவையில்லாமல் சண்டையிட வேண்டாம். இல்லாவிட்டால் உங்கள் திருமண வாழ்க்கையில் பிரச்சனை அதிகரிக்கும்.

தனுசு

செவ்வாய் வக்ர பெயர்ச்சியால் தனுசு ராசிக்காரர்களுக்கு அமைதியின்மை மற்றும் பதற்றத்தை ஏற்படுத்தும். எந்த விஷயத்திலும் அவசரமாக முடிவுகளை எடுக்க வேண்டிய சூழ்நிலையால் இழப்புகள் ஏற்படக்கூடும்.

எனவே பொறுமையாக இருங்கள். அவசரமாக எந்த முடிவுகளையும் எடுக்க முயற்சிக்காதீர்கள்.

பதவி உயர்வு மற்றும் வருமான உயர்வுக்கு காத்திருக்க வேண்டியிருக்கும். அதோடு இதற்காக கடினமாகவும் உழைக்க வேண்டியிருக்கும். ஆனால் செவ்வாய் மேஷ ராசிக்கு வரும் போது, வெற்றி கிட்டும்.

உங்களுக்கு பிபி போன்ற இரத்தம் சம்பந்தமான பிரச்சனைகள் இருந்தால், இக்காலத்தில் தொந்தரவை சந்திக்கலாம். எனவே உங்கள் உணவு பழக்கத்தை சரிபார்த்து, அன்றாடம் உடற்பயிற்சி செய்வது அவசியம்.

மகரம்

செவ்வாய் வக்ர பெயர்ச்சி வீரம், தைரியம் மற்றும் முயற்சியின் வீடான மூன்றாவது வீட்டில் நடைபெறுவதால், மகர ராசிக்காரர்களுக்கு நல்ல முடிவுகளைத் தரும். உங்கள் தன்னம்பிக்கை அதிகரிக்கும்.

உங்கள் துறையில் நேர்மறை பலன்களைப் பெறுவீர்கள். தாயின் ஆரோக்கியத்தில் சிறிது சரிவு ஏற்படக்கூடும். நீங்கள் முன்பு முயற்சித்த வேலை வாய்ப்பை இப்போது பெறுவீர்கள். கிரகங்களின் நிலை உங்களுக்கு அனைத்து வகையிலும் பயனளிக்கும். மொத்தத்தில் எதிலும் உங்களுக்கு வெற்றி கிடைக்கும்.

கும்பம்

செவ்வாய் வக்ர பெயர்ச்சியால் கும்ப ராசிக்காரர்கள் சாதக பாதகங்களை சரியாக எடைபோட்ட பிறகு நிதி நடவடிக்கை எடுக்கப்பட வேண்டும்.

ஏனெனில் இந்த பெயர்ச்சியால் கவனமாக இருப்பது நல்லது. உங்கள் குடும்பத்தினருடன் பேசும் போது மிகவும் கவனமாக இருங்கள். ஏனெனில் இந்த பெயர்ச்சியால் உங்கள் வாழ்க்கைத் துணையுடனான பிரச்சனை அதிகரிக்கும்.

கூட்டாளியுடன் சேர்ந்து தொழில் செய்பவர்கள், கூட்டாளியுடனான உறவு பாதிக்காமல் கவனமாக இருங்கள். ஆரோக்கியத்தைப் பொறுத்தவரை கவனமாக இருங்கள்.

மீனம்

செவ்வாயின் இந்த சஞ்சாரத்தால் மீன ராசிக்காரர்களுக்கு மோசமான முடிவுகளைத் தரும். உங்கள் திறன்களை முழுமையாக வெளிப்படுத்திய பிறகும், முடிவுகளை அடைவது கடினமாக இருக்கலாம். உங்கள் எல்லா நடவடிக்கைகளிலும் தேவையற்ற தாமதங்கள் இருக்கலாம்.

ஆரோக்கியத்தைப் பொறுத்தவரை, செவ்வாய் முதல் வீட்டில் மாறுவதால், இது சருமத்தில் வறட்சியை ஏற்படுத்தக்கூடும். எனவே, நீரேற்றமாக இருக்க நிறைய தண்ணீர் குடிக்கவும்.

தியானம் மற்றும் உடல் பயிற்சிகளைச் செய்வது உங்கள் ஆற்றலை நேர்மறையான திசையில் நகர்த்த உதவும். எந்த ஒரு மோதல்களிலும் ஈடுபடாதீர்கள். இதனால் நீங்கள் காயமடைய வாய்ப்புள்ளது. வாகனம் ஓட்டும் போது எச்சரிக்கையாக இருங்கள்.

மேலும் ஜோதிடம் செய்திகளைப் படிக்க இங்கே அழுத்தவும்