பெண்ணின் ஆடை விலகுவதை வீடியோ எடுத்த முதியவர்: தப்பிக்க சொன்ன காரணம்

Report Print Raju Raju in அவுஸ்திரேலியா

பெண்ணின் ஆடை விலகுவதை முதியவர் யாருக்கும் தெரியாமல் வீடியோ எடுத்த நிலையில் தான் எழுதும் புத்தகத்தின் ஆராய்ச்சிக்காக அப்படி செய்துள்ளதாக கூறியுள்ளார்.

அவுஸ்திரேலியாவின் சிட்னி மையத்தில் உள்ள டவுன் ஹாலில் தான் இச்சம்பவம் நடந்துள்ளது.

ஆண்ட்ரூ லெஸ்லி என்ற முதியவர் தான் வைத்திருந்த பென் கமெரா மூலம் அங்கு வந்த இளம் பெண்ணின் ஆடை விலகுவதை சில மாதங்களுக்கு முன்னர் வீடியோ எடுத்துள்ளார்.

இதை அங்கிருந்த ஒருவர் பார்த்து பொலிசாருக்கு தகவல் கொடுத்துள்ளார்.

சம்பவ இடத்துக்கு வந்த பொலிசார் ஆண்ட்ரூவை கைது செய்தார்கள்.

அவர் மீதான வழக்கு நீதிமன்றத்தில் நடந்து வந்த நிலையில் 18 மாத நன்னடத்தை பத்திரத்தில் ஆண்ட்ரூ கையெழுத்திட நீதிமன்றம் உத்தரவிட்டுள்ளது.

இந்த தீர்ப்பை எதிர்த்து அவர் மேல் முறையீடு செய்துள்ளார், தன் மீது தவறு இல்லை எனவும் கூறுகிறார்.

ஆண்ட்ரூ கூறுகையில், நான் Female Flashers and Up Skirting என்ற இரண்டு புத்தகங்கள் எழுதி வருகிறேன்.

அது சம்மந்தமான ஆராய்ச்சிக்காகவே பெண்ணை வீடியோ எடுத்தேன், பாலியல் ரீதியான காரணங்களுக்காக வீடியோ எடுக்கவில்லை என கூறியுள்ளார்.

இந்நிலையில் ஆண்ட்ரூவின் மேல் முறையீடு மனு விரைவில் விசாரிக்கப்படவுள்ளது.

மேலும் அவுஸ்திரேலியா செய்திகளைப் படிக்க இங்கே அழுத்தவும்