அவுஸ்திரேலியாவை தெறிக்க விட்ட இங்கிலாந்து: அதிக ஓட்டங்கள் குவித்து இமாலய சாதனை

Report Print Arbin Arbin in கிரிக்கெட்

அவுஸ்திரேலியாவுக்கு எதிரான 3வது ஒருநாள் போட்டியில் இங்கிலாந்து அணி 50 ஓவா்களுக்கு 481 ஓட்டங்கள் குவித்து இமாலய சாதனை படைத்துள்ளது.

இங்கிலாந்துக்கு சுற்றுப்பயணம் சென்றுள்ள அவுஸ்திரேலிய அணி 5 போட்டிகள் கொண்ட ஒருநாள் தொடரில் விளையாடி வருகிறது.

தொடரின் 3வது ஒருநாள் போட்டி இன்று நடைபெற்று வருகிறது. நாணயசுழற்சியில் வென்ற அவுஸ்திரேலியா அணி இங்கிலாந்தை துடுப்பெடுத்தாட பணித்தது. இதனைத் தொடா்ந்து ஜேசன் ராய், ஜானி போ்ஸ்டோ கூட்டணி களமிறங்கி கணக்கை தொடங்கியது.

ஜேசன் ராய், ஜானி போ்ஸ்டோ, ஆலெக்ஸ் ஹேல்ஸ், இயன் மார்கன் ஆகியோர் சிறப்பான பங்களிப்பை அளித்தனா்.

ஜேசன் ராய் 82(61), ஜானி போ்ஸ்டோ 139(92), ஹேல்ஸ் 147(92), இயன் மார்கன் 67(30) ஓட்டங்கள் குவித்தனா்.

தொடா்ந்து சிறப்பாக விளையாடிய இங்கிலாந்து அணி 50 ஓவா் முடிவில் 6 விக்கெட் இழப்புக்கு 481 ஓட்டங்கள் குவித்து சாதனை படைத்துள்ளது.

முன்னதாக பாகிஸ்தானுக்கு எதிரான ஒருநாள் போட்டியில் இங்கிலாந்து அணி 3 விக்கெட் இழப்புக்கு 444 ஓட்டங்கள் சோ்த்திருந்ததே ஒருநாள் போட்டியில் ஒரு அணியின் அதிகபட்ச ஓட்டங்களாக இருந்தது.

இந்நிலையில் 481 ஓட்டங்கள் குவித்து தனது முந்தைய சாதனையை இங்கிலாந்து அணியே முறியடித்து வரலாறு படைத்துள்ளது.

இந்த போட்டியில் இங்கிலாந்து அணி 21 சிக்சா், 41 பவுண்டரி அடித்து அவுஸ்திரேலியா அணியை துவம்சம் செய்துள்ளது குறிப்பிடத்தக்கது.

மேலும் கிரிக்கெட் செய்திகளைப் படிக்க இங்கே அழுத்தவும்

Latest Offers