நான்கு இன்னிங்சில் இரண்டு இரட்டை சதம்... ரன் வேட்டை ஆடிய வீரர்

Report Print Arbin Arbin in கிரிக்கெட்
145Shares

நியூசிலாந்து அணி கேப்டன் கேன் வில்லியம்சன் கடந்த மூன்று போட்டிகளில் இரட்டை சதம், சதம், இரட்டை சதம் என மொத்தம் 639 ஓட்டங்கள் விளாசி அசத்தியுள்ளார்.

நியூசிலாந்து அணித் தலைவர் கேன் வில்லியம்சன் அபாரமான ஆட்டத்தை வெளிப்படுத்தி வருகிறார்.

கொரோனாவால் சுமார் ஆறு மாதங்களாக கிரிக்கெட் விளையாடாமல் இருந்த நிலையில், தற்போது சேர்த்து வைத்து ஓட்டங்கள் குவித்து வருகிறார்.

மேற்கிந்திய தீவுகள் அணிக்கெதிராக டிசம்பர் 3-ம் திகதி தொடங்கிய முதல் போட்டியில் 251 ஓட்டங்கள் விளாசினார்.

இந்த போட்டியில் நியூசிலாந்து இன்னிங்ஸ் வெற்றி பெற்றது. மனைவிக்கு குழந்தை பிறந்ததால் 2-வது போட்டியில் விளையாடவில்லை.

பாகிஸ்தானுக்கு எதிரான முதல் டெஸ்ட் போட்டி டிசம்பர் 26-ம் திகதி முதல் 30-ம் திகதி வரை நடைபெற்றது.

இந்த போட்டியிலும் சதம் விளாசினார். முதல் இன்னிங்சில் 129 ஓட்டங்களும், 2-வது இன்னிங்சில் 21 ஓட்டங்களும் சேர்த்தார்.

இந்த போட்டியில் நியூசிலாந்து கடைசி நேரத்தில் பாகிஸ்தானை ஆல்-அவுட் ஆக்கி 101 ஓட்டங்களில் வெற்றி பெற்றது.

பாகிஸ்தானுக்கு எதிரான 2-வது டெஸ்ட் போட்டி நேற்று முன்தினம் தொடங்கியது. இந்த போட்டியில் மீண்டும் ஒரு இரட்டை சதம் (238) விளாசினார்.

மூன்று போட்டிகளில் தொடர்ந்து இரட்டை சதம், சதம், இரட்டை சதம் விளாசியுள்ளார். நான்கு இன்னிங்சில் (251, 129, 21, 238) 639 ஓட்டங்கள் குவித்துள்ளார். சராசரி 159.75 ஆகும்.

மேலும் கிரிக்கெட் செய்திகளைப் படிக்க இங்கே அழுத்தவும்