ரத்தம் உறையாமை நோய் வருவதற்கு காரணம் என்ன? இந்த நோயை எப்படிக் கண்டுபிடிப்பது?

Report Print Kavitha in நோய்
227Shares

ஒருவருக்கு ரத்தம் வெளியேறுவது நிற்காமல், தொடர்ந்து வெளியேறினால், அதுதான் ரத்தம் உறையாமை நோய் என கூறப்படுகின்றது. இது மரபியல் கோளாறு காரணமாக ஏற்படும் நோய்.

உலகில் பத்தாயிரம் பேரில் ஒருவருக்கு இந்நோய் ஏற்படுவதாகப் புள்ளி விவரங்களும் கூறுகின்றன.

குடும்பத்தில் யாருக்காவது இந்த நோய் இருந்தால், அவர்களுக்கு பிறக்கும் குழந்தைகளுக்கும் இந்த நோய் ஏற்படலாம். எனவே, இதைப் பரம்பரை நோய் என்றும் கூறுகிறார்கள்.

இந்த நோய்க்கு காரணம் என்ன?

தாயின் கருவில் உருவாகும் குழந்தையின் பாலினத்தைத் தீர்மானிக்கும் குரோமோசோம்களில் ஏற்படும் குறைபாடே இந்நோய் ஏற்படக் காரணம்.

இந்த நோய் உள்ளவர்கள் பல பிரச்சினைகளை சந்திக்க வேண்டி இருக்கும். உடலில் எங்கும் காயம் ஏற்படாமல் பார்த்துக்கொள்ள வேண்டும்.

யாருக்கு அதிகம் ஏற்பட வாய்ப்பு அதிகம்?

ரத்த உறவில் திருமணம் செய்வதன் மூலம், இந்நோய் அதிகம் ஏற்படுவதாக மருத்துவர்கள் கூறுகிறார்கள்.

இந்த நோயை எப்படிக் கண்டுபிடிப்பது?
  • பிறந்த குழந்தைக்குத் தொப்புள்கொடி விழுந்த பிறகு ரத்தம் நிற்காமல் வெளியேறுவது.
    • பல் விழுந்த பிறகு அல்லது பல் எடுத்த பிறகு தொடர்ந்து ரத்தக்கசிவு ஏற்படுவது.

    • உடலில் எங்கேயாவது காயம் ஏற்பட்டு ரத்தக்கசிவு நிற்காமல் இருப்பது.

    • உடலில் நீல நிறத் தழும்புகள் தோன்றி மறைவது.

    • கால் மூட்டுகள் மீண்டும் மீண்டும் வீங்கி வலிப்பது.
    இதனை எளிதில் குணப்படுத்த முடியுமா?

    இந்நோயை குணப்படுத்துவது மிகவும் கடினம். ரத்தம், பிளாஸ்மா செலுத்துவது மற்றும் உறை நிலை மருந்துகளைச் செலுத்துவது என முறையான சிகிச்சையின் மூலம் மட்டுமே இந்நோயைக் கட்டுப்பாட்டில் வைத்துக்கொள்ள முடியும்.

    மேலும் நோய் செய்திகளைப் படிக்க இங்கே அழுத்தவும்