தமிழ் பிக்பாஸ் வீட்டில் ஒருவர் உயிரிழந்ததால் பரபரப்பு

பிக்பாஸ் 2 அரங்கின் இரண்டாவது மாடியில் இருந்து கீழே விழுந்ததில் ஏ.சி மெக்கானிக் உயிரிழந்தார்.

தனியார் தமிழ் தொலைக்காட்சியில் ஒளிபரப்பாகி வரும் பிக்பாஸ் 2 நிகழ்ச்சியின் படப்பிடிப்பு பூந்தமல்லியை அடுத்த செம்பரம்பாக்கத்தில் உள்ள ஈவிபி பிலிம் சிட்டியில் அரங்கு அமைத்து நடைபெற்று வருகிறது.

அங்கு அரியலூர் மாவட்டத்தை சேர்ந்த குணசேகரன் என்பவர் ஏ.சி மெக்கானிக்காக வேலை செய்து வந்தார்.

அவர் நிகழ்ச்சி நடக்கும் அரங்கின் 2-வது மாடியில் தங்கியுள்ளார். நேற்று இரவு இவர் தங்கியிருந்த மாடியிலிருந்து கீழே விழுந்தார்.

உடனே அருகிலிருந்தவர்கள் குணசேகரனை மீட்டு மருத்துவமனைக்கு கொண்டு சென்ற நிலையில் அங்கு அவர் உயிரிழந்தார்.

சம்பவம் குறித்து பொலிசாருக்கு தகவல் தரப்பட்ட நிலையில் அவர்கள் விசாரித்து வருகிறார்கள்.

மேலும் பொழுதுபோக்கு செய்திகளைப் படிக்க இங்கே அழுத்தவும்