ஜென்சன் ஹுவாங்கிற்கு ஆதரவாக 1.20 லட்சத்திற்கும் அதிகமானோர் கையெழுத்து

அமெரிக்காவின் முன்னணி தொழில்நுட்ப நிறுவனமான என்விடியாவின் CEO ஜென்சன் ஹுவாங்(Jensen Huang)சீன பெண் உளவாளி என சந்தேகிக்கப்படும் ஆலிஸ் ஹவாங்(Alice Huang) என்பவருடன் திருமணத்திற்கு அப்பாற்பட்ட உறவில் இருந்ததாக எழுந்த சர்ச்சையை தொடர்ந்து, தன்னுடைய CEO பதவியை ராஜினாமா செய்துள்ளார்.

 இதையடுத்து தற்காலிக CEO-வாக கோலெட் கிரெஸ்(Colette Kress) நியமிக்கப்பட்ட நிலையில், Nvidia-வின் அடுத்த CEO-வை தேர்ந்தெடுக்கும் பணியில் நிறுவனத்தின் முக்கிய தலைவர்கள் களமிறங்கியுள்ளனர்.

இந்நிலையில் Nvidia நிறுவனத்தின் CEO-வாக ஜென்சன் ஹுவாங்கை மீண்டும் நியமிக்க கோரி அந்த நிறுவனத்தின் இயக்குநர் குழுவிற்கு எதிராக தொடங்கப்பட்ட இணையவழி மனுவில் ஜென்சன் ஹுவாங்கிற்கு ஆதரவாக 1.20 லட்சத்திற்கும் அதிகமானோர் கையெழுத்திட்டுள்ளனர்.

ஜென்சன் ஹுவாங்கை நிறுவனத்தின் CEO பதவியில் இருந்து நீக்கியது எந்த வகையில் நிறுவனத்திற்கு உகந்தது என்பதை நிருபிக்கும் தெளிவான ஆதாரங்களை சமர்பித்து, இது தொடர்பான சுதந்திரமான விசாரணை நடத்தப்படும் வரை அவர் மீண்டும் தலைமை பொறுப்பில் இருக்க வேண்டும் என கையெழுத்திட்டவர்கள் வழியுறுத்தியுள்ளனர்.

உலகின் முன்னணி பணக்காரரும், ஸ்பேஸ் எக்ஸ் நிறுவனத்தின் தலைமை நிர்வாக அதிகாரியுமான எலான் மஸ்க் இந்த முயற்சிக்கு தனது ஆதரவை தெரிவித்துள்ளார்.

மேலும் இந்த மனுவில் தானும் கையெழுத்திட இருப்பதாக எலான் மஸ்க் அறிவித்துள்ளார்.

வானிலை மையம் கூறுகையில்..,

தென்கிழக்கு வங்கக்கடலில் நிலவும் ஆழ்ந்த காற்றழுத்தத் தாழ்வுப் பகுதி இன்று காற்றழுத்தத் தாழ்வு மண்டலமாக வலுப்பெற உள்ளது.

இது மேற்கு - வடமேற்கு திசையில் நகர்ந்து, நாளை மாலை புயலாக மாறக்கூடும். மேலும், இந்தப் புயல் தீவிர புயலாக வலுப்பெறவும் வாய்ப்புள்ளது.

மேற்கு தொடர்ச்சி மலை மாவட்டங்கள் மற்றும் தென் தமிழகத்தின் ஓரிரு இடங்களில் இன்றும், நாளையும் மிதமான மழை பெய்யக்கூடும்.

மேலும், சென்னையில் இன்று லேசான மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது.

தென்மேற்கு வங்கக்கடல் பகுதியில் வரும் 18ஆம் தேதி வரை சூறைக்காற்று வீசக்கூடும் என்பதால், மீனவர்கள் கடலுக்குச் செல்ல வேண்டாம் என எச்சரிக்கப்பட்டுள்ளனர்.

இதற்கிடையில், உயிர் மற்றும் உடைமைகளைப் பாதுகாக்கும் மீட்புப் பணிகளுக்காக கப்பல்கள் மற்றும் விமானங்கள் தயார் நிலையில் இருப்பதாக இந்திய கடலோரக் காவல்படை தெரிவித்துள்ளது.

27 வயது இளைஞருக்கு கத்திக்குத்து

பிரித்தானியாவின் வடக்கு மான்செஸ்டரில் Crumpsall பகுதியில் உள்ள Moss Bank சாலையில் 27 வயது இளைஞர் ஒருவர் கத்திக்குத்து காயங்களுடன் கிடப்பதாக அவசர உதவி பிரிவினருக்கு தகவல் தெரிவிக்கப்பட்டது.

இதையடுத்து சம்பவ இடத்திற்கு விரைந்த பொலிஸார் மற்றும் மீட்புப் படையினர், உடலில் பல்வேறு இடங்களில் கத்திக்குத்து காயங்களுடன் உயிருக்கு போராடி கொண்டிருந்த இளைஞரை மருத்துவமனைக்கு கொண்டு சென்றனர்.

இருப்பினும் அவர் மருத்துவமனைக்கு செல்லும் வழியிலேயே உயிரிழந்து விட்டதாக பின்னர் அறிவிக்கப்பட்டார்.

இது தொடர்பாக தற்போது கொலை வழக்கு பதிவு செய்துள்ள கிரேட்டர் மான்செஸ்டர் காவல்துறை, கருப்பு நிற உடை மற்றும் முகமூடி அணிந்த சில நபர்களால் உயிரிழந்த இளைஞர் தாக்கப்பட்டு இருக்கலாம் என தெரிவித்துள்ளனர்.

தாக்குதலுக்கு பிறகு அங்கிருந்து தப்பியோடி அவர்கள் இதுவரை கைது செய்யப்படவில்லை.

தடயவியல் நிபுணர்கள் சம்பவ இடத்தில் தடயங்களை சேகரித்து வருகின்றனர். இந்நிலையில் குற்றத்தை நேரில் பார்த்தவர்கள் அல்லது இது குறித்து தகவல் தெரிந்தவர்கள் முன்வந்து உதவுமாறு காவல்துறையினர் பொதுமக்களிடம் வேண்டுகோள் விடுத்துள்ளனர்.

ஆங்கிலக் கால்வாயைக் கடந்து பிரித்தானியாவிற்குச் செல்வதற்காக ரப்பர் படகில் ஏற முயன்றபோது ஏற்பட்ட நெருக்கடியில், 20 வயது கடந்த ஒரு ஆணின் சடலம் பிரான்ஸ் கடற்கரை ஒன்றில் கண்டெடுக்கப்பட்டுள்ளது.

ரப்பர் படகில்

இன்று காலை லெ டூக்கெட் (Le Touquet) நகருக்கு அருகிலுள்ள செயின்ட்-செசில் (Sainte-Cecile) கடற்கரையில் அந்த சடலம் கண்டெடுக்கப்பட்டுள்ளது.

கடற்கரையில் புலம்பெயர்ந்தோர் ஒரு ரப்பர் படகில் ஏறியதைத் தொடர்ந்து, பிரான்சின் செயல்பாட்டுக் கண்காணிப்பு மையத்தின் (CROSS) மீட்புக் குழுவினர் இரவோடு இரவாக களமிறக்கப்பட்டனர்.

பிரெஞ்சு அதிகாரிகள் அந்தப் படகு புறப்பட்டுச் செல்வதைத் தடுத்தனர், ஆனால் முழுமையான தேடுதலுக்குப் பிறகும் யாரும் கண்டுபிடிக்கப்படவில்லை.

இதனிடையே, உடல் வெப்பநிலை குறைந்ததற்கான அறிகுறிகளுடன் இருந்த ஐந்து பேரை தீயணைப்பு வீரர்கள் பின்னர் கண்டனர். சம்பவம் தொடர்பான விசாரணை தொடங்கப்பட உள்ளதாக கடலோரக் காவல்படை தெரிவித்துள்ளது.

ஜூலை மாதம், கலே கடற்கரையில் ஒரு புலம்பெயர்ந்தவரின் சடலம் கண்டெடுக்கப்பட்டதை அடுத்து, இதற்குப் பொறுப்பானவர்கள் பிரித்தானியாவுக்குத் தப்பிச் சென்றுவிட்டார்களா என்பதைக் கண்டறியும் நோக்கில் காவல்துறை விசாரணை ஒன்று தொடங்கப்பட்டது.

903 புலம்பெயர்ந்தோர்

ஒரு மாதத்திற்குப் பிறகு, ஆங்கிலக் கால்வாயில் இருந்த ஒரு சிறிய படகில் ஆப்கானிஸ்தான் நாட்டவர் ஒருவர் சடலமாகக் கண்டெடுக்கப்பட்டார். சமீபத்திய பதிவுகளின்படி, கடந்த வாரத்தில் 903 புலம்பெயர்ந்தோர் சிறிய படகுகள் மூலம் பிரித்தானியாவிற்கு வந்துள்ளனர்.

ஆனால், கூடுதலாக 624 புலம்பெயர்ந்தோர் எல்லையைக் கடக்க விடாமல் தடுக்கப்பட்டதாகத் தரவுகள் காட்டுகின்றன. பெல்ஜியம் மற்றும் பிரெஞ்சு கடற்கரைகளை உள்ளடக்கிய ஆங்கிலக் கால்வாயின் 325 மைல் நீளப் பகுதியை, புலம்பெயர்ந்தோர் இங்கிலாந்திற்குச் சிறிய படகுகளில் அனுப்பப் பயன்படுத்துவதாக பெல்ஜிய காவல்துறை கூறியுள்ள நிலையில் இந்தச் செய்தி வெளியாகியுள்ளது.

பிரித்தானிய குடியுரிமை பெற்ற லலித் மோடி

IPL தொடரை உருவாக்கியதில் முக்கியமான நபர்களில் ஒருவராக கருதப்படும் லலித் மோடி பிரித்தானிய குடியுரிமை பெற்று விட்டதாக அறிவித்துள்ளார்.

இது தொடர்பாக தன்னுடைய X தள பக்கத்தில் அவர் வெளியிட்டு இருந்த கருத்தில், 2026 நவம்பர் 14ம் திகதி ஆக்ஸ்போர்டு யூனியனில் உரையாற்றும் வாய்ப்பு கிடைத்தது மிகவும் பெருமையாக உள்ளது.

என்னுடைய வாழ்வில் முக்கியமான மற்றும் தனிப்பட்ட நிகழ்வு ஒன்றை இப்போது பொதுவெளியில் பகிர்ந்து கொள்கிறேன்.

நான் பிரித்தானிய குடிமகனாக இருப்பதில் பெருமை கொள்கிறேன். குடும்பத்தினர் மற்றும் நண்பர்களுடன் இணைந்து செப்டம்பர் 15ம் திகதி எனக்கு பிரித்தானிய குடியுரிமை கிடைத்ததை சிறப்பாக கொண்டாடினேன் என்று தெரிவித்துள்ளார்.

அந்த தருணம் என்னுடைய வாழ்வில் எப்போதும் நீங்காத ஒன்றாக இருக்கும் என்றும் தெரிவித்துள்ளார்.

பிரித்தானியா பல ஆண்டுகளாக என்னுடைய இல்லமாக இருந்து வருகிறது. இங்குள்ள மக்கள், பாரம்பரியங்கள் மற்றும் மதிப்புகள் மீது ஆழமான மரியாதை கொண்டுள்ளேன் என தெரிவித்துள்ளார்.

பிரித்தானிய குடியுரிமை என்பது சிறப்புரிமை மட்டுமின்றி, அது ஒரு பொறுப்பும் கூட என லலித் மோடி தெரிவித்துள்ளார்.

பெருமை மற்றும் நன்றியுடனுடன் இந்த பொறுப்பை ஏற்றுக் கொள்வதாக லலித் மோடி தன்னுடைய சமூக வலைதள பக்கத்தில் பகிர்ந்து கொண்டுள்ளார்.

லலித் மோடி 2009ம் ஆண்டு மக்களவை தேர்தலை காரணமாக கொண்டு ஐபிஎல் தொடரை தென்னாப்பிரிக்காவில் நடத்தினார்.

இதையடுத்து அவர் இந்திய ரிசர்வ் வங்கியின் அனுமதியின்றி வெளிநாட்டுக்கு அன்னியச் செலாவணி பரிமாற்றம் செய்ததாக கூறி அமலாக்கத்துறை அவர் மீது வழக்குப்பதிவு செய்தது. அப்போது இந்தியாவில் இருந்து வெளியேறி லலித் மோடி பிரித்தானியாவில் குடியேறியது குறிப்பிடத்தக்கது.