சர்கார் பட விவகாரம்: இயக்குனர் வீடு முன்பு குவிந்த பொலிஸ்

Report Print Arbin Arbin in இந்தியா

சர்கார் திரைப்படத்தில் அதிமுக அரசுக்கு எதிராக காட்சிகள் இருப்பதாக தமிழகம் முழுவதும் அக்கட்சியினர் போராட்டம் நடத்துவதால், அந்த திரைப்படத்தின் இயக்குனர் ஏ.ஆர். முருகதாஸ் வீட்டுக்கு பொலிஸ் பாதுகாப்பு போடப்பட்டுள்ளது.

நடிகர் விஜய் நடிப்பில் வெளியாகி இருக்கும் சர்கார் திரைப்படத்தில் அரசியல் தொடர்பான கருத்துகளும், காட்சிகளும் இடம் பெற்றுள்ளன.

இதில் ஆளும் அதிமுக அரசை தாக்குவதுபோல் அமைந்து இருப்பதாக குற்றச்சாட்டு எழுந்து சர்ச்சையை கிளப்பியுள்ளது. படத்தில் இடம் பெற்றுள்ள காட்சிகளை நீக்குமாறும், இல்லாவிட்டால் சட்டப்படி நடவடிக்கை எடுக்கப்படும் எனவும் அமைச்சர்கள் எச்சரிக்கை விடுத்துள்ளனர்.

இந்த நிலையில், சர்கார் படத்துக்கு என வைக்கப்பட்டு இருந்த பேனர்கள் கிழிக்கப்பட்டுள்ளன. மேலும், பல்வேறு பகுதிகளில் அதிமுகவினரால் சர்கார் படத்துக்கு எதிராக போராட்டம் நடைபெற்றும் வருகிறது.

இதன் ஒருபகுதியாக சர்கார் படத்தின் இயக்குனர் ஏ.ஆர். முருகதாஸ் வீட்டுக்கு பொலிசார் பாதுகாப்பு அளிக்கப்பட்டுள்ளது. இதனால் பரபரப்பான சூழல் ஏற்பட்டுள்ளது.

மேலும் இந்தியா செய்திகளைப் படிக்க இங்கே அழுத்தவும்