மனைவியை கொலை செய்ய ஆன்லைனில் கொடிய விஷத்தை வாங்கினேன்! எவ்வாறு நடந்தது? கணவனின் அதிர்ச்சி வாக்குமூலம்

Report Print Deepthi Deepthi in இந்தியா

கன்னியாகுமரி மாவட்டத்தில் பேராசிரியை கொலை வழக்கில் கைது செய்யப்பட்ட கணவர் சிறையில் அடைக்கப்பட்டுள்ள நிலையில் அவர் எவ்வாறு கொலை செய்தேன் என்பது குறித்து பொலிசில் அதிர்ச்சி வாக்குமூலம் அளித்துள்ளார்.

திவ்யா சில்வெஸ்டர் என்ற பேராசிரியைக்கும் பெல்லார்மின் என்பவருக்கும் கடந்த ஆண்டு நவம்பர் மாதம் திருமணம் நடைபெற்றது.

இந்நிலையில் புதன்கிழமை வாயில் ரத்தம் வழிந்த நிலையில் வீட்டில் மயங்கி கிடந்த திவ்யா மீட்கப்பட்டு மருத்துவமனையில் அனுமதிக்கப்பட்ட நிலையில் அங்கு அவர் சிகிச்சை பலனின்றி உயிரிழந்தார்.

சந்தேகம் மரணம் என காவல்துறையினர் வழக்குப்பதிவு செய்து விசாரித்த நிலையில் இறப்பதற்கு முன்பாக தான சாப்பிட்ட உணவில் கொடியவிஷம் கலந்துவிட்டதாக திவ்யா மரண வாக்குமூலம் அளித்திருந்தார்.

இதில் பெல்லார்மின் கைது செய்யப்பட்டார். அப்போது மனைவியை கொன்றது ஏன்? எப்படி கொன்றேன்? என்பது பற்றி பெல்லார்மின் பொலிசில் அளித்த வாக்குமூலத்தில், திருமணமான 2 மாதத்திலேயே எனக்கும் திவ்யாவுக்கும் கருத்து வேறுபாடு ஏற்பட்டது. எப்போதும் என்னை அவர் ஏளனம் செய்தார்.

திவ்யா சில்வஸ்டரை கொலை செய்தால் மட்டுமே நிம்மதியாக வாழ முடியும் என்று நினைத்தேன்.

கொலை செய்வது குறித்து இணையதளத்தில் தேடினேன், அப்போதுதான், சில நிமிடங்களிலேயே இறப்பை ஏற்படுத்தும் கொடிய வி‌ஷம் பற்றிய தகவலை அறிந்தேன். 5 கிராம் வி‌ஷம் ரூ.5 ஆயிரம் கொடுத்து வாங்கினேன்.

கடந்த வாரம் பழரசத்தில் விஷம் கலந்து கொடுத்தேன், அவர் அதனை சாப்பிடமால் கீழே கொட்டுகையில் அது தங்க நகையின் மீது பட்டு வெளுத்துவிட்டது. இதனால் அவர் சற்று உஷாரானார்.

நான் அவரை கொலை செய்ய முயற்சிப்பதையும் அறிந்து கொண்டார். இதுபற்றி பெற்றோரிடம் கூறி விட்டார். இது எனக்கு தெரிய வந்ததும், திவ்யா சில்வஸ்டர் மீது ஆத்திரம் அதிகமானது.

இந்நிலையில் தான் அவருக்கு சந்தேகம் ஏற்படாதவாறு உப்புமாவில் விஷத்தை கலந்து அவருக்கு சாப்பிட கொடுத்தேன், நான் நினைத்தது போலவே அவர் இறந்துவிட்டார், ஆனால் அவர் சாப்பிடுவதற்கு முன் நாய்க்கு அந்த உணவினை வைத்த காரணத்தால், அவர் உண்மையை அறிந்து இறப்பதற்கு முன் நடந்தவை குறித்து வாக்குமூலம் அளித்துவிட்டார் என தெரிவித்துள்ளார்.

5 கிராம் வி‌ஷத்தில் அவர், 2 கிராம் வி‌ஷம் மட்டுமே பயன்படுத்தியதாக பொலிசாரிடம் தெரிவித்துள்ளார். .

இதையடுத்து மீதமிருந்த கொடிய வி‌ஷத்தை பொலிசார் கைப்பற்றினர். அதனை ஆய்வு செய்ய பொலிசார் முடிவு செய்துள்ளனர்.

மேலும் இந்தியா செய்திகளைப் படிக்க இங்கே அழுத்தவும்

Latest Offers