பிஞ்சு குழந்தைகள் மூவரை கால்வாயில் வீசி விட்டு தற்கொலைக்கு முயன்ற தாயார்: வெளிவந்த பின்னணி

Report Print Arbin Arbin in இந்தியா

தமிழகத்தின் கடலூர் மாவட்டம் மீராளூரில் 3 பெண் குழந்தைகளை பெற்ற தாயே கால்வாயில் தூக்கி வீசி கொன்றுள்ளது அதிர்ச்சியை ஏற்படுத்தியுள்ளது.

மீராளூர் பகுதியில் சாத்தப்பாடி கிராமத்தைச் சேர்ந்த மணிகண்டன் - சத்தியவதி தம்பதிக்கு 3 மகள்கள். மதுப் பழக்கத்திற்கு அடிமையான மணிகண்டனால் கணவன் - மனைவி இடையே அடிக்கடி தகராறு ஏற்பட்டதாகவும் கூறப்படுகிறது.

சம்பவத்தன்று வழக்கம்போல சண்டையின்போது கணவரிடம் கோபித்துக் கொண்டு 3 மகள்களையும் அழைத்துக் கொண்டு கீழமணக்குடியில் உள்ள தனது தாய் வீட்டுக்கு சத்தியவதி புறப்பட்டுள்ளார்.

வழியில் மீராளூரில் பேருந்தில் இருந்து இறங்கிய சத்தியவதி மகள்களுக்கு திண்பண்டம் வாங்கிக் கொடுத்துள்ளார்.

அதைத் தொடர்ந்து 3 மகள்களையும் கால்வாயில் தூக்கி வீசியதாகத் தெரிகிறது. பின்னர் சத்தியவதி தற்கொலைக்கு முயன்றுள்ளார்.

இச்சம்பவம் தொடர்பில் தகவலறிந்து நிகழ்விடத்துக்குச் சென்ற காவல்துறையினர் சத்தியவதியை கைது செய்துள்ளனர்.

கால்வாயில் வீசப்பட்ட 3 பேரில் 6 வயது அட்சயா, 5 வயது நந்தினி ஆகியோர் உடல்கள் கண்டெடுக்கப்பட்டுள்ளன.

தற்போது 2 வயது சிறுமி தர்ஷிணியை காவல்துறையினர் தேடி வருகின்றனர். குடும்பப் பிரச்னை காரணமாக குழந்தைகளை கால்வாயில் வீசிவிட்டு சத்தியவதி தற்கொலை செய்து கொள்ள முயன்றாரா என்ற கோணத்தில் காவல்துறையினர் விசாரணை மேற்கொண்டு வருகின்றனர்.

மேலும் இந்தியா செய்திகளைப் படிக்க இங்கே அழுத்தவும்