எங்கள் மகள் திரும்ப வர மாட்டாள்! நிர்பயா போட்டோவை கட்டி அணைத்தப்படி பேசிய அவர் தாயார்

Report Print Raju Raju in இந்தியா

நிர்பயா குற்றவாளிகள் தூக்கிலிடப்பட்ட நிலையில் அது குறித்து அவர் தாய் பேசியுள்ளார்.

கடந்த 2012ஆம் ஆண்டு டெல்லியில் ஓடும் பேருந்தில் மருத்துவ மாணவி நிர்பயாவை கூட்டு பாலியல் வன்கொடுமை செய்யப்பட்ட சம்பவத்தில் குற்றவாளிகளுக்கு தூக்கு தண்டனை விதிக்கப்பட்டது. இதற்காக நீண்ட சட்டப் போராட்டம் நடைபெற்று வந்த நிலையில், இன்று(மார்ச்20) காலை 5.30 மணிக்கு திகார் சிறையில் 4 குற்றவாளிகளுக்கும் தூக்கு தண்டனை நிறைவேற்றப்பட்டது.

இதுபற்றி செய்தியாளர்களிடம் பேசிய நிர்பயாவின் தாய் ஆஷா தேவி, நீதி தாமதப்படுத்தப்பட்டது. ஆனால் மறுக்கப்படவில்லை. நீண்ட சட்டப் போராட்டத்திற்கு பின் இன்று நீதி கிடைத்துள்ளது. இந்த நாளை இந்நாட்டின் மகள்களுக்கு சமர்ப்பிக்கிறேன்.

நீதித்துறைக்கும், அரசுக்கும் நன்றி தெரிவித்துக் கொள்கிறேன். எங்கள் மகள் திரும்ப வர மாட்டாள். ஆனால், அவள் எங்களை விட்டு பிரிந்ததில் இருந்து இந்தப் போராட்டத்தை நடத்தி வருகிறோம். இது அவளுக்காக தான்.

இதேபோன்று வருங்காலத்திலும் இந்நாட்டின் மகள்களுக்காக போராடுவோம். எனது மகளின் புகைப்படத்தை கட்டி அணைத்து, இறுதியில் உனக்கு நீதி கிடைத்துவிட்டது என்று கூறினேன். இதேபோல் இந்தியாவின் மகள்களுக்கு எங்களின் சட்டப் போராட்டம் தொடரும்.

வருங்காலங்களில் குற்றவாளிகள் தண்டனையை தாமதப்படுத்துவதை தவிர்க்கும் வகையில் சட்ட வழிமுறைகளை உச்ச நீதிமன்றம் வகுக்க வேண்டும். குற்றவாளிகளுக்கு தூக்கு தண்டனை நிறைவேற்றப்பட்ட தற்போதைய சூழலில் பெண்கள் பாதுகாப்பாக கருதுவர் என்றார்.

இதுபற்றி நிர்பயா தந்தை கூறுகையில், நீதிக்காக காத்துக் கொண்டிருந்தது மிகுந்த வலியை ஏற்படுத்தியது. நிர்பயாவிற்கு நீதி கிடைத்த இந்த நாளை ”நியாய் திவாஸ்”(நீதிக்கான நாள்) என்று கடைபிடிக்க உள்ளோம் என்றார்.

மேலும் இந்தியா செய்திகளைப் படிக்க இங்கே அழுத்தவும்

Latest Offers

loading...