58 ஆண்டுகளில் முதல் முறையாக சட்டப்பேரவையில் தேசிய கீதத்தை இசைக்கச் செய்த இந்திய மாநிலம்!

Report Print Ragavan Ragavan in இந்தியா
0Shares

58 ஆண்டுகளில் முதல் முறையாக நாகாலாந்து சட்டமன்றக் கூட்டத்தொடரில் தேசிய கீதம் இசைக்கப்பட்டுள்ளது.

வடகிழக்கு இந்திய மாநிலமான நாகாலாந்தில் கடந்த பிப்ரவரி 12-ஆம் திகதி 13-வது சட்டமன்றக் கூட்டத்தின் 7-வது அமர்வில் நாகாலாந்து ஆளுநர் ஆர்.என். ரவி உரையாற்றுவதற்கு முன்னும் பின்னும் தேசிய கீதம் இசைக்கப்பட்டுள்ளது.

1963 டிசம்பர் 1-ஆம் திகதி நாகாலாந்து 16-வது தனி மாநில அந்தஸ்த்தைப் பெற்றதிலிருந்து முதல் முறையாக தேசிய கீதம் இசைக்கப்பட்டுள்ளது குறிப்பிடத்தக்கது.

இது இந்திய அரசியல் வரலாற்றில் ஒரு அறிய நிகழ்வாக காணப்படுகிறது. இதனை பாதுகாப்பு ஆய்வாளர் நிதின் ஏ கோகலே தனது ட்விட்டர் பக்கத்தில் பகிர்ந்துள்ளார்.

இதேபோல், கடந்த மூன்று ஆண்டுகளுக்கு முன்பு திரிபுரா மாநிலத்தின் சட்டப்பேரவையில் முதல் முறையாக தேசிய கீதம் இசைக்கப்பட்டது குறிப்பிடத்தக்கது.

மேலும் இந்தியா செய்திகளைப் படிக்க இங்கே அழுத்தவும்