தீராத பல் வலியை குணப்படுத்த வேண்டுமா? அப்போ இதை மட்டும் செய்யுங்க!

Report Print Jayapradha in மருத்துவம்

நம்மில் பலருக்கு திடீரென்று தாங்க முடியாத பல் வலி ஏற்படுவதுண்டு. பற்கள் மற்றும் ஈறுகள் தொடர்பான பிரச்சனைகள் மிகவும் ஆபத்தானது. எனவே இவற்றை அலட்சியப்படுத்தக் கூடாது.

மேலும் இதை பாதுகாப்பான இயற்கை முறையில் எப்படி குறைப்பதென்று தெரிந்துகொள்வது மிகவும் முக்கியம்.

அத்தகைய பல்வலி பிரச்சனைகளை போக்க இயற்கையில் உதவும் சில அற்புதமான வழிகளைப் பற்றி பார்ப்போம்.

பல்வலியை போக்க செய்ய வேண்டியவை

  • கிராம்பு தைலத்துடன் ஒரு சிட்டிகை மிளகு தூள் கலந்து, பல்லின் பாதிக்கப்பட்ட பகுதியின் மேல் வைக்க வேண்டும்.

  • கடுகு எண்ணையுடன் ஒரு சிட்டிகை உப்பு கலந்து பாதிக்கப்பட்ட ஈறுகளின் மேல் தடவ வேண்டும்.

  • வெங்காயத்தின் ஒரு துண்டை பாதிக்கப்பட்ட ஈறு அல்லது பற்களின் மேல் பகுதியில் வைத்தால், பல் வலியை விரைவில் குறைக்க முடியும்.

  • ஆலமரத்துப் பட்டையில் கஷாயம் வைத்து வாய் கொப்பளித்து வந்தால், பல் தொடர்பான நோய்கள் குணமாகும்.

  • இஞ்சி சாற்றில் தேன் கலந்து குடித்து வந்தால், பல் வலி உடனடியாக குணமாகிவிடும்.

  • உப்புடன் கொய்யா இலையைச் சேர்த்து அரைத்து, உலர்த்திப் பொடி செய்து, அதை பல் துலக்கினால், பல்வலி மற்றும் ஈறு வீக்கம் குணமாகும்.

  • எலுமிச்சம் பழத்தின் தோலை வெயிலில் காய வைத்து பொடி செய்து, அதை கொண்டு பல் தேய்த்தால், பற்களின் பளிச் தோற்றத்தை பாதுகாக்கலாம்.

  • ஏலக்காய் போட்டு கொதிக்க வைத்த தண்ணீரில் வாய் கொப்பளித்து வந்தால், வாய் துர்நாற்றம், பல் மற்றும் ஈறுகளில் ஏற்படும் புண்களை குணமாக்கலாம்.

  • கிராம்பு, கொட்டைப் பாக்கு ஆகியவற்றை சம அளவில் எடுத்து பொடி செய்து பல் துலக்கி வந்தால், பல்வலி விரைவில் மறையும்.

குறிப்பு

  • திடீரென்று பல் வலி ஏற்பட்டால் மிகவும் சூடான அல்லது மிகவும் குளிர்ச்சியான மற்றும் இனிப்பான உணவுகளை தவிர்க்க வேண்டும்.

மேலும் மருத்துவம் செய்திகளைப் படிக்க இங்கே அழுத்தவும்

Latest Offers