வைரஸை அழித்து, உடலுக்கு நோய் எதிர்ப்பு சக்தியை தரும் அருகம்புல் ஜூஸ்!

Report Print Gokulan Gokulan in மருத்துவம்

அருகம்புல் எல்லாவித மண்வளத்திலும் வளரக்கூடிய தாவரம். வயல், வரப்புகள், வெட்ட வெளிகளிலும் வளரக்கூடிய புல் வகையாகும்.

அருகம்புல் ஜூஸ் தினமும் ஒரு வேளை சாப்பிட்டு வந்தால் தோல் நோய்களை குணப்படுத்த கூடிய மருந்தாக செயல்படுகிறது. கண் எரிச்சலையும் சரி செய்யும் ஆற்றல் கொண்டது. வயிற்றுப் போக்கை உடனே நிறுத்தும். புண்களை சட்டென்று ஆற்றிவிடும்.

அருகம்புல் மீது நடப்பதால் உடலுக்கு புத்துணர்வு கிடைக்கும். நரம்பு நாளங்களை தூண்டக் கூடியது. ரத்தத்தை உறைய வைக்கும் தன்மை கொண்டது. உடலுக்கு குளிர்ச்சி தரக்கூடியது. அருகம்புல்லை பயன்படுத்தி தோல் நோய்களுக்கான மருந்து தயாரிக்கலாம்.

அருகம்புல்லை சிறு தொட்டியில் கூட வீட்டில் வளர்க்கலாம். அல்லது கடைகளில் கேட்டு வாங்கிக் கொள்ளலாம்.

அருகம்புல்லில் இரும்புச்சத்து, கால்சியம், மக்னீசியம், அமினோ அமிலங்கள், குளோரோஃபில், வைட்டமின் ஏ, சி, ஈ போன்ற அத்தியாவசிய ஊட்டச்சத்துகள் நிறைந்திருக்கின்றன.

இதன் சத்துக்கள், உடலின் நோய் எதிர்ப்பு சக்தியை அதிகரிப்பதோடு, வயிற்றுக்கோளாறுகளை சரிசெய்யும். தீமை செய்யும் பாக்டீரியாக்களைக் கொல்கிறது.

அருகம்புல்லில் அதிக குளோரோஃபில் இருப்பதால், இயல்பாகவே காரத்தன்மை கொண்டது. இதனால் செரிமான சிக்கல்கள் தீர்ந்து விடும். மேலும் குளோரோஃபில்லும், செலீனியமும் நோய் எதிர்ப்பு சக்தியை உருவாக்க உதவுகிறது. இவற்றைத் தவிர அனீமியா, நீரிழிவு, நோய்த்தொற்றுகள், சருமப் பிரச்சினைகள், அல்சரேட்டிவ் கொலிட்டஸ், மூட்டு வலிகள் போன்ற பிரச்சினைகளைக் குணப்படுத்தக்கூடியது.

ஒரு நாளைக்கு ஒரு வேளை 30 மி.லி. முதல் 40 மி.லி. வரை எடுத்துக் கொள்வது போதும். இதைவிட அதிக அளவில் எடுத்துக் கொள்வதால் கூடுதல் பலன் எதுவும் கிடைக்காது.

அருகம் புல்லின் சுவை உங்களுக்கு உடனடியாக பிடிக்காமல் போகக்கூடும். எனவே, அதை மற்ற ஜூஸ்கள் அல்லது பானங்களில் கலந்து குடிக்கலாம். டீ அல்லது மற்ற ஜூஸ்கள் அந்தப் புல்லின் சுவையை மறைக்க உதவும்.

புதினா, சீலரி, சாத்துக்குடி ஜூஸ், கொஞ்சம் ஆலிவ் எண்ணெய், கல் உப்பு போன்றவற்றை கலந்து ஜூஸ் காக்டெயில் செய்து குடிக்கலாம்.

ஆலிவ் ஆயில் அல்லது ஃபிளாக்ஸ்சீடு ஆயில் போன்றவற்றை கலந்து அருகம்புல்லை கலந்து அருந்தினால், உடலில் ஊட்டச்சத்து ஏற்றுக்கொள்ளப்படும் அளவு அதிகரிக்கும்.

இப்படி குடித்தால் அடிக்கடி பசிக்கும் நிலையையும் குறைக்கும். ஜூஸாக குடிக்க முடியவில்லையா, பரவாயில்லை. துணை உணவாக, மாத்திரைகள், கேப்ஸ்யூல்கள், திரவப் பொருள்களாகவும் நீங்கள் இதை எடுத்துக் கொள்ளலாம்.

மேலும் மருத்துவம் செய்திகளைப் படிக்க இங்கே அழுத்தவும்