நாட்டை காப்பாற்ற இதை தவிர வேறு வழியே இல்லை: போராட்டகாரர்களை எச்சரித்த ஹாங்காங் தலைவர்

Report Print Basu in ஏனைய நாடுகள்

நாட்டில் ஜனநாயக சீர்திருத்தங்களுக்கான போராட்டம் மோசமாகிவிட்டால் சீன ராணுவம் காலடி எடுத்து வைக்கலாம் என்று ஹாங்காங் தலைவர் கேரி லாம் எச்சரித்தார்.

ஹாங்காங்கில் சீனாவிற்கு எதிராக கடந்த நான்கு மாதங்களாக வன்முறை போராட்டம் நடைபெற்று வரும் நிலையில் அந்நாட்டு தலைவர் கேரி லாம் செய்தியாளர்களை சந்தித்தார்.

அவர் கூறியதாவது, நெருக்கடியைத் தானே தீர்க்க முடியும் என அரசாங்கம் இன்னும் நம்புகிறது, நான்கு மாத ஆர்ப்பாட்டங்கள் இனி ‘ஜனநாயகத்திற்கான அமைதி இயக்கம்’ அல்ல என்ற யதார்த்தத்தை ஏற்றுக்கொள்ளுமாறு வெளிநாட்டு விமர்சகர்களை லாம் வலியுறுத்தினார்.

இதற்கான தீர்வுகளை நாமே கண்டுபிடிக்க வேண்டும் என்று நான் இன்னும் உறுதியாக உணர்கிறேன் ... ஆனால் நிலைமை மிகவும் மோசமாகிவிட்டால், ஹாங்காங்கிற்கு குறைந்தபட்சம் மற்றொரு வாய்ப்பு கிடைக்க வேண்டுமென்றால் நாங்கள் வேறு வழிகளை நிராகரிக்க முடியாது என்றும் லாம் எச்சரித்தார்.

மற்ற சட்டங்களை அறிமுகப்படுத்துவதற்கு அவசரகால அதிகாரங்களைப் பயன்படுத்துவதற்கான எந்த திட்டமும் தனது நிர்வாகத்திற்கு இல்லை.

வாரம் முழுவதும் மேலதிக ஆர்ப்பாட்டங்களால் நகரம் பாதிக்கப்பட்டுள்ளதால், தற்போதைய நிலைமையை சொந்தமாகக் கையாள சீனப் பிரதேசங்களுக்கு அறிவுறுத்தப்பட்டதாகவும் லாம் கூறினார்.

சீன ஆட்சி செய்த நகரத்தில் அதிகரித்து வரும் வன்முறைகளைத் தணிக்கும் நோக்கில் வியத்தகு நடவடிக்கையாக கடந்த 50 ஆண்டுகளில் முதன்முறையாக அவசரகால அதிகாரங்களை லாம் வெள்ளிக்கிழமை செயல்படுத்தினார்.

முகமூடிகள் மீதான தடை அக்டோபர் 5 சனிக்கிழமையன்று நடைமுறைக்கு வந்தது, இது அவசரகால சட்டங்களின் கீழ் பொது நலனில் எந்தவொரு விதிமுறை மாற்றங்களையும் செய்ய அதிகாரிகளை அனுமதிக்கும் என்று லாம் கூறினார்.

மேலும் ஏனைய நாடுகள் செய்திகளைப் படிக்க இங்கே அழுத்தவும்

Latest Offers