ஹரி - மேகனை போல அரச குடும்பத்திலிருந்து வெளியேறிய இளவரசி

Report Print Vijay Amburore in ஏனைய நாடுகள்

பிரித்தானிய அரச குடும்பத்திலிருந்து ஹரி - மேகன் விலகியே போலவே கடந்த சில வருடங்களுக்கு முன் சுவீடன் இளவரசியும் அரச குடும்பத்திலிருந்து வெளியேறியுள்ளார்.

இளவரசர் ஹாரி மற்றும் மேகன் ஆகியோர் அரச கடமைகளில் இருந்து வெளியேறுவதாக அதிர்ச்சி அறிவிப்பை வெளியிட்டபோது, அரச குடும்பமே பெரும் சோதனைகளுக்கு உள்ளானது. வழக்கத்திற்கு மாறாக பல அசாதாரண அறிக்கைகளுக்கு வழிவகுத்தது.

ஆனால் அரச குடும்பத்தில் இதுபோன்ற ஒரு அதிர்ச்சியான சம்பவம் நடப்பது முதன்முறை அல்ல.

மூன்று குழந்தைகளுக்கு தாயும், ஸ்வீடன் மன்னர் கார்ல் XVI குஸ்டாப்பின் மகளுமான இளவரசி மேடலின், அவரது மூத்த சகோதரி கிரீடம் இளவரசி விக்டோரியாவின் கீழ் அரியணைக்கு மூன்றாவது இடத்தில் வளர்ந்தார்.

ஐரோப்பாவிலே மிகவும் ஆடம்பர அரச குடும்ப உறுப்பினர்களாக இருந்து வந்த சகோதரிகளின் வாழ்க்கை, நியூயார்க்கில் வசிப்பதற்காக மேடலின் தனது கடமைகளிலிருந்து விலகிய பின்னர் வித்யாசமாக மாறியது.

வழக்கறிஞரும் தனது வருங்கால கணவருமான ஜோனாஸ் பெர்க்ஸ்ட்ராமுடன் திருமணம் முறிந்து போனதால் உடைந்த இதயத்தை சரிசெய்ய அவர் அமெரிக்கா சென்றார்.

அங்கு தனது தாயார் ராணி சில்வியாவின் தொண்டு நிறுவனங்களில் ஒன்றில் பணிபுரியத் தொடங்கினார் மேலும், பிரித்தானிய-அமெரிக்க நிதியாளரான 'கிறிஸ் ஓ நீல்' உடன் ஒரு பரஸ்பர நண்பர் மூலம் அறிமுகமானார்.

இதனையடுத்து அங்கேயே தங்க முடிவு செய்த அவர், 2013 இல் ஸ்டாக்ஹோமில் திருமணம் செய்துகொண்டார். அதற்கு விருந்தினர்களாக பிரித்தானிய இளவரசர் எட்வர்ட் மற்றும் அவரது மனைவி சோஃபி வெசெக்ஸ் ஆகியோர் கலந்துகொண்டனர்.

வரவேற்பு அரச குடும்பத்தின் தனியார் இல்லமான டிராட்னிங்ஹோம் அரண்மனையில் நடைபெற்றது.

அடுத்தடுத்த வரிசையில் மேடலின் நிலை இருந்தபோதிலும், ஓ'நீல் அரச குடும்பத்தில் சேர்ந்தபோது அவருக்கு ஒரு தலைப்பு கிடைக்கவில்லை.

இந்த குடும்பம் கடந்த 10 ஆண்டுகளில் ஒன்பது ஆண்டுகளாக ஸ்வீடனுக்கு வெளியே வசித்து வருகிறது. ஆனால் முக்கியமான அரச நிகழ்வுகளுக்காக மட்டும் வீடு திரும்புகிகிறது.

மேலும் ஏனைய நாடுகள் செய்திகளைப் படிக்க இங்கே அழுத்தவும்

Latest Offers

loading...