காளி பூஜையில் கலந்து கொண்ட பிரபல கிரிக்கெட் வீரர்: பேஸ்புக் நேரலையில் கொலை மிரட்டல் விடுத்த இளைஞர்

Report Print Arbin Arbin in ஏனைய விளையாட்டுக்கள்

வங்கதேச கிரிக்கெட்டின் சகலதுறை வீரர் ஷகிப் அல் ஹனுக்கு பேஸ்புக் நேரலையில் இளைஞர் ஒருவர் கொலை மிரட்டல் விடுத்த சம்பவம் அதிர்ச்சியை ஏற்படுத்தியுள்ளது.

கடந்த 15 ஆம் திகதி வங்கதேசத்தின் சில்ஹெட்டில் உள்ள ஷாப்பூர் பகுதியைச் சேர்ந்த மொஹ்சின் என்ற இளைஞர் தனது பேஸ்புக் நேரலையில்,

வங்கதேச கிரிக்கெட் வீரர் ஷகிப் அல் ஹசனை கடுமையாக விமர்சித்து, ஷகிப் இஸ்லாமியர்களின் உணர்வுகளை புண்படுத்தியிருக்கிறார்.

அவரைத் துண்டு துண்டுகளாக வெட்டுவேன். ஷகிப்பைக் கொல்ல சில்ஹெட்டிலிருந்து டாக்காவுக்குச் செல்வேன் என்று கையில் அரிவாளுடன் மிரட்டல் விடுத்தார்.

இந்த விவகாரம் நடந்த சில மணிநேரங்களில் அது பொலிசாரின் கவனத்துக்குச் சென்றது. கூடவே, ஷகிப் அல் ஹசனுக்கும் இந்த விடயம் தெரியவர, விவகாரம் பெரிதானது.

இந்த விவகாரம் தொடர்பான விசாரணையில் நவம்பர் 12 அன்று ஷகிப், பெலேகாட்டா பகுதியில் காளி பூஜையை துவக்கிவைக்க கொல்கத்தா சென்றதாக கூறப்படுகிறது.

மேலும், காளி சிலையின் முன்பு வழிபடுவது போன்ற புகைப்படங்களும் வெளியாகவே இஸ்லாமியர்கள் மனதை ஷகிப் புண்படுத்திவிட்டார் என்று சர்ச்சை ஏற்பட்டது.

இதனையடுத்து, அந்த இளைஞர் இப்படி மிரட்டல் விடுத்துள்ளார் என்றும் கூறப்பட்டது.

இதற்கிடையே, நேற்று சர்ச்சைகளுக்கு முற்றுப்புள்ளி வைக்கும் விதமாக ஷகிப், வீடியோ வெளியிட்டு விளக்கம் கொடுத்தார்.

அதில், மதத்தைச் சுற்றி பேச்சுக்களோ செயல்களோ இல்லாத சுமார் 40 முதல் 45 நிமிடங்கள் வரை மற்றொரு நிகழ்ச்சியில் கலந்து கொண்டேனே தவிர காளி பூஜையை துவக்க போகவில்லை.

எனினும், நிகழ்ச்சி முடிந்து காரில் ஏறவிருந்தபோது, காளி பூஜையில் மெழுகுவர்த்திகளை மட்டுமே ஏற்றி வைக்குமாறு கேட்டுக்கொள்ளப்பட்டேன். நான் ஒரு பெருமைமிக்க இஸ்லாமியர் என்று விளக்கம் கொடுத்தார்.

தற்போது இந்த விவகாரம் அவதூறு மற்றும் வகுப்புவாத நல்லிணக்கத்தை அழிக்கும் முயற்சி என்பாதாக கூறி வழக்கு பதிந்துள்ளனர்.

ஆனால், சில மணி நேரங்களில் மீண்டும் நேரலைக்கு வந்த இளைஞர் மொஹ்சின் தனது நடத்தைக்கு மன்னிப்பு கேட்டார்.

இந்த விவகாரம் தற்போது விளையாட்டு வீரர்கள் மத்தியில் அச்சத்தை ஏற்படுத்தியுள்ளது.

மேலும் ஏனைய விளையாட்டுக்கள் செய்திகளைப் படிக்க இங்கே அழுத்தவும்