பெண்கள் கழிவறையில் ரகசிய கமெரா வைத்தேன்.. வீடியோவை பார்த்து ரசிப்பேன்.. அதிரவைத்த வாக்குமூலம்

Report Print Raju Raju in தெற்காசியா

தமிழகத்தில் பெட்ரோல் பங்கில் ரகசிய கமெராவை பொருத்தி சக பெண் ஊழியர்களை வீடியோ எடுத்து ரசித்த நபரின் செயல் அதிர்ச்சியை ஏற்படுத்தியுள்ளது.

தஞ்சாவூர் மாவட்டம் ஆவணம் பெரியநாயகிபுரத்தை சேர்ந்தவர் பிரபாகரன்(22).

இவர் புதுக்கோட்டை மாவட்டம் புளிச்சங்காடு கைகாட்டி பகுதியில் உள்ள ஒரு பெட்ரோல் பங்கில் விற்பனையாளராக வேலை செய்து வருகிறார். இவருடன் சில பெண்கள் உள்பட பலர் அங்கு வேலை செய்கின்றனர். இந்நிலையில் பிரபாகரன், பெண்களின் ஆபாச வீடியோவை செல்போனில் வைத்திருப்பதாக சக ஊழியர்கள் மூலம் தகவல்கள் வெளியானது.

மேலும் அந்த வீடியோக்கள் பெண்கள் கழிவறையில் ரகசிய கமெராவை வைத்து எடுக்கப்பட்டதாகவும் கூறப்படுகிறது.

இது குறித்து பெட்ரோல் பங்க் பொறுப்பாளர்கள் பிரபாகரனிடம் விசாரணை நடத்தினர். மேலும் பாதிக்கப்பட்ட பெண்களின் பெற்றோர் பொலிசில் புகார் கொடுத்தனர்.

பொலிசார் நடத்திய விசாரணையில், பெண்கள் பயன்படுத்தும் கழிவறையில் கமெராவை ஆன் செய்து வைத்திருந்ததும், அந்த நேரத்தில் கழிவறைக்கு செல்லும் பெண்களின் வீடியோ காட்சிகள் செல்போனில் பதிவாகி இருந்ததும் தெரிய வந்தது.

அதை தான் பார்த்து ரசித்ததோடு, நண்பர்களுக்கும் பகிர்ந்துள்ளதாக பிரபாகரன் வாக்குமூலம் அளித்துள்ளார். இதையடுத்து பிரபாகரனை பொலிசார் கைது செய்தனர்.

மேலும் இந்த வீடியோவை வைத்து பெண்களை மிரட்டினாரா? என்ற கோணத்தில் அவரிடம் விசாரணை நடத்தப்பட்டு வருகிறது.

மேலும் தெற்காசியா செய்திகளைப் படிக்க இங்கே அழுத்தவும்

Latest Offers