இலங்கையில் சுவிஸ் தூதரக ஊழியர் கடத்தப்பட்டதாக கூறப்படும் விவகாரம்: வெடித்த சர்ச்சை!

Report Print Balamanuvelan in சுவிற்சர்லாந்து

சுவிஸ் தூதரக ஊழியர் ஒருவர் இலங்கையில் கடத்தப்பட்டதாக கூறப்படும் விடயத்தில் இலங்கை சந்தேகம் எழுப்பியுள்ளதையடுத்து சர்ச்சை வெடித்துள்ளது.

உண்மையில், இந்த சம்பவம் குறித்த செய்தி, இலங்கை உயர் பொலிஸ் அதிகாரி ஒருவர் சுவிட்சர்லாந்தில் புகலிடம் கோரியதைத் தொடர்ந்து வெளியாகியுள்ளது குறிப்பிடத்தக்கது.

இதற்கிடையில், சுவிஸ் தூதரான Hanspeter Mockஇடம், இலங்கை வெளியுறவு அமைச்சகம் இது குறித்து நடத்திய விசாரணையில் வெளியான விடயங்களை விவரித்துள்ளதாக தெரிவித்துள்ளது.

சுவிஸ் தூதரக ஊழியர் ஒருவர் கடத்தப்பட்டதாக கூறப்படும் ஒரு விடயம் நடந்ததற்கான ஆதாரங்கள் இல்லை, என்பதற்கான சான்றுகளை தூதரிடம் சமர்ப்பித்துள்ளதாக தெரிவிக்கப்பட்டுள்ளது.

பொலிசார், நடந்ததாகக் கூறப்படும் விடயம் தொடர்பாக, சாட்சியங்களை விசாரித்ததோடு, உபேர் ஆவணங்கள், CCTV காட்சிகள், தொலைபேசி சான்றுகள் மற்றும் GPS தரவுகளை ஆராய்ந்ததாக இலங்கை வெளியுறவு அமைச்சகம் கூறியுள்ளது.

அந்த பெண் ஊழியர் விசாரிக்கப்படவேண்டும் என்று வலியுறுத்தியுள்ள இலங்கை வெளியுறவு அமைச்சகம், அவரை இலங்கையில் மருத்துவ பரிசோதனைக்கு உட்படுத்தவேண்டும் என்றும் வலியுறுத்தியுள்ளது.

சுவிஸ் தூதரகம், அந்த பெண் ஊழியரின் உடல் நலம் மோசமடைந்து வருவதாக தெரிவித்திருந்தது குறிப்பிடத்தக்கது.

அந்த பெண் ஊழியரை கடத்திய அடையாளம் தெரியாத சிலர், அவரது மொபைலை கட்டாயப்படுத்தி திறக்கவைத்து, சமீபத்தில் சுவிட்சர்லாந்தில் புகலிடம் கோரிய இலங்கையர்களின் பெயர்களை வெளியிடுமாறு அவரை வற்புறுத்தியதாக குற்றச்சாட்டை சுவிட்சர்லாந்து முன்வைத்திருந்தது.

ஆனால், ராஜபக்ச குடும்பம் தொடர்பான பல வழக்குகளை விசாரித்து வந்த ஒரு உயர் பொலிஸ் அதிகாரி, கோட்டாபய ராஜபக்ச தேர்தலில் வெற்றிபெற்றதையடுத்து அவரது குடும்பம் மீண்டும் பதவிக்கு வந்ததைத் தொடர்ந்து சுவிட்சர்லாந்துக்கு தப்பியோடியதையடுத்தே இந்த விவகாரம் வெடித்துள்ளது.

இந்த வாரம், இலங்கை அரசு அனுமதியின்றி நாட்டை விட்டு வெளியேறும் பொலிஸ் அதிகாரிகளை தடுத்து நிறுத்தும்படி விமான நிலைய புலம்பெயர்தல் அதிகாரிகளை எச்சரித்துள்ளது குறிப்பிடத்தக்கது.

மேலும் சுவிற்சர்லாந்து செய்திகளைப் படிக்க இங்கே அழுத்தவும்

Latest Offers