சுவிஸில் சொந்த பிள்ளைகளை மனித கழிவை சாப்பிட வைத்த கொடூர தாயார்

சுவிட்சர்லாந்தில் சொந்த பிள்ளைகள் இருவரை ஆண்டுகளாக கொடூர சித்திரவதைக்கு இரையாக்கிய கொடூர தாயார் தொடர்பிலான வழக்கு விசாரணைக்கு வந்துள்ளது.

சுவிட்சர்லாந்தின் சூரிச் பகுதியில் குடியிருந்த தன்பதியே தங்களது இரு பிள்ளைகளை போதிய உணவளிக்காமல், அறைகளில் பூட்டி வைத்து, கொடூரமாக தாக்கி சித்திரவதைக்கு இரையாக்கியவர்கள்.

கடந்த 2003 முதல் 2010 வரை பல்வேறான சித்திரவதைக்கு அந்த இரு பிள்ளைகளும் இலக்காகியுள்ளனர்.

2006 முதல், அப்போது ஏழு மற்றும் எட்டு வயதுடைய இரு பிள்ளைகளையும் பெற்றோர் கிட்டத்தட்ட ஒவ்வொரு இரவும் நர்சரியில் பூட்டியுள்ளனர்.

2008 முதல், வார இறுதி நாட்களில், பகல் நேரத்தில் குழந்தைகள் வெளியே செல்லாமல் இருக்க அறை அல்லது அடித்தளத்தின் கதவைப் பூட்டி வைத்துள்ளனர்.

மேலும் குழந்தைகள் ஒரு நாளைக்கு இரண்டு முறை மட்டுமே கழிப்பறையைப் பயன்படுத்த முடியும்.

அவர்கள் தரையில் சிறுநீர் கழித்து மலம் கழிக்க நேர்ந்தால், அவர்களே அதை சுத்தம் செய்ய வேண்டியிருந்தது.

தாயாரால் மிகக் குறைந்த உணவை மட்டுமே அளிக்கப்பட்டதால் குழந்தைகள் இருவரும் எடை குறைவாக காணாப்பட்டனர்.

மட்டுமின்றி, பசி காரணமாக அவர்கள் பள்ளியில் மற்ற குழந்தைகளிடமிருந்து உணவைத் திருட வேண்டியிருந்ததும் நீதிமன்றத்தில் தாக்கல் செய்யப்பட்டுள்ள ஆவணத்தில் குறிப்பிடப்பட்டுள்ளது.

மேலும், அந்த தாயார் தங்கள் சொந்த வாந்தியை சாப்பிட வேண்டும் என்று பிள்ளைகள் இருவரையும் கொடுமைப்படுத்தியுள்ளார். தனது மகளின் தலையை வாந்தியில் அழுத்தியதாகவும் குற்றச்சாட்டில் குறிப்பிடப்பட்டுள்ளது.

தந்தை ஒருமுறை சிறுமியின் தலையை கழிப்பறை கிண்ணத்தில் தள்ளி சுத்தப்படுத்தியுள்ளதாகவும் கூறப்படுகிறது.

2010 ஆம் ஆண்டு சிறுவர்கள் இருவரும் மீட்கப்பட்ட நிலையில் அவர்கள் உளவியல் சிகிச்சைக்கு பின்னர் சிறார் இல்லத்தில் அனுமதிக்கப்பட்டனர்.

ஆனாலும், பல ஆண்டுகளாக அவர்களுக்கு உளவியல் சிகிச்சை தொடர்ந்து வழங்கப்பட்டு வருவதாக நீதிமன்றத்தில் தெரிவிக்கப்பட்டுள்ளது.

அந்த பெற்றோர் தற்போது கடந்த இரண்டு ஆண்டுகளாக விசாரணைக் கைதிகளாக சிறையில் உள்ளனர்.

மேலும் சுவிற்சர்லாந்து செய்திகளைப் படிக்க இங்கே அழுத்தவும்