பிரித்தானியா பிரதமர்-நிதியமைச்சர் இடையே பதட்டம்: தொடங்கியது பனிப்போர்

Report Print Basu in பிரித்தானியா

பிரித்தானியா பிரதமர் போரிஸ் ஜான்சன் மீது நாட்டின் நிதி அமைச்சர் சஜித் ஜாவிட் கடும் கோபமடைந்ததாக அந்நாட்டு ஊடகங்கள் செய்தி வெளியிட்டுள்ளன.

ஜான்சனின் பிரெக்ஸிட் திட்டங்களை எதிர்ப்பவர்களுக்கு அரசாங்க அதிகாரிகள் உதவி செய்தார்களா என்று ஆராய்ந்து கொண்டிருந்த ஆலோசகர் டொமினிக் கம்மிங்ஸ் பதவி நீக்கப்பட்டது குறித்து சஜித் ஜாவிட் கடும் கோபமடைந்தார் என்று The Financial Times வெளியட்டுள்ளது.

பிரித்தானியா நிதி அமைச்சர் சஜித் ஜாவிட், ஆலோசகதை பதவி நீக்கம் செய்வது குறித்து பிரதமர் போரிஸ் ஜான்சனுக்கு சவால் விடுத்துள்ளார், இது அரசாங்கத்தின் இரு சக்திவாய்ந்த நபர்களிடையே பதற்றத்தை ஏற்படுத்தியுள்ளது என்று ஊடகங்கள் தெரிவித்துள்ளன.

ஜாவிட் முற்றிலும் கோபமாக இருக்கிறார், அவர் இந்த விஷயத்தை முடிந்துவிட்டதாக கருதவில்லை என ஜாவித்தின் சக ஊழியர் கூறியதாக மேற்கோளிட்டு செய்திகள் வெளியிடப்பட்டுள்ளது.

மேலும், ராஜினாமா செய்வதாக ஜாவிட் அச்சுறுத்தவில்லை, ஆனால் ஜான்சனுடனான அவரது உறவு சமரசம் செய்யப்பட்டது என்று தெரிவிக்கப்பட்டுள்ளது.

புதிய உள்நாட்டு கொள்கைகளுடன் அக்டோபர் 31ம் திகதி பிரித்தானியா அரசாங்கம் Brexit-க்கு தயாராகி வருகையில், பதவி நீக்கம் மற்றும் பிற சம்பவங்கள் தொடர்பாக ஜாவிட் மற்றும் ஜான்சன் இடையே பதட்டங்கள் இருப்பதாக மற்ற செய்தித்தாள்கள் தெரிவித்துள்ளன.

Image result for boris javid

இருவருக்கும் இடையிலான எந்தவொரு பிரச்னையும் பற்றி கருத்து தெரிவிக்க முடியாது என்று பிரதமர் ஜான்சனின் அலுவலகத்தில் உள்ள அதிகாரி கூறியுள்ளார், ஆனால் அவர்கள் தொடர்ச்சியான கொள்கைகளில் நெருக்கமாக செயல்படுவதாகக் குறிப்பிட்டார்.

அந்த விவகாரத்தை அடுத்து அவர்களுக்கு இடையே எந்த வித்தியாசத்தையும் நான் காணவில்லை என்றும் அந்த அதிகாரி கூறியுள்ளார். அதேசமயம், இப்பிரச்சனை குறித்து நிதி அமைச்சகத்தில் கருத்து தெரிவிக்க யாரும் உடனடியாக முன்வரவில்லை.

மேலும் பிரித்தானியா செய்திகளைப் படிக்க இங்கே அழுத்தவும்

Latest Offers