கொரோனா தொற்று காரணமாக இங்கிலாந்து எதிர்கொண்டுள்ள நெருக்கடிகள் என்ன? விரிவான அலசல்!

Report Print Karthi in பிரித்தானியா

சர்வதேச அளவல் கொரோனா தொற்றால் பாதிக்கப்பட்டவர்களின் எண்ணிக்கையானது 4.5 கோடியை நெருங்கிக்கொண்டிருக்கக்கூடிய நிலையில் ஐரோப்பா முழுவதும் தொற்றின் இரண்டாவது அலையானது பெரும் சேதத்தினை ஏற்படுத்தி வருகின்றது. இதனால் பல நாடுகள் முன்னெச்சரிக்கை நடவடிக்கைகளை மேற்கொண்டு வருகின்றன.

இந்நிலையில் பிரித்தானியாவில் வேலை வாய்ப்பினை உறுதி செய்யும் திட்டமான ஃபர்லோ திட்டம் இந்த வார இறுதியுடன் முடிவடைய உள்ளது. இதன் காரணமா வேலையிழக்கும் விகிதமானது அதிகரிக்கும் வாய்ப்புள்ளது. இந்த நெருக்கடிகள் பிரித்தானியாவின் இரண்டடுக்கு மந்த நிலையை நோக்கி தள்ளியுள்ளது என தனியார் செய்தி ஊடகமான கார்டியன் தனது ஆய்வில் தெரிவித்துள்ளது.

Image credit: Forbes

ஒட்டுமொத்த பிரித்தானியாவில் கடந்த 2008-ல் ஏற்பட்ட நிதி நெருக்கடியின் தாக்கத்தினை விட தற்போது வேலையை இழக்கும் மக்களின் எண்ணிக்கை மிக வேகமாக அதிகரித்து வருகிறது.

இந்நிலையில், தாட்சர் அரசாங்கத்தில் வேலைவாய்ப்பு செயலாளராக பணியாற்றிய கன்சர்வேடிவ் கட்டியின் பியர் டேவிட் யங், மக்கள் தங்கள் வேலையை இழந்து வருவதாகவும் "நிலைமைகள் இயல்பு நிலைக்கு வரும்போது வளரக்கூடிய திறன்களும் ஆற்றலும் மறு பயன்பாட்டிற்கு வர வேண்டும்" என்றும், புதிய வேலைவாய்ப்புகளை உருவாக்க முயல வேண்டும் என்றும் அவர் சுனக்கை வலியுறுத்தியுள்ளார்.

தொற்றுநோய் தொடங்கியதிலிருந்து, கார்டியன் எட்டு பொருளாதார குறிகாட்டிகளையும், பைனான்சியல் டைம்ஸ் பங்குச் சந்தை (எஃப்டிஎஸ்இ) 100 இன் அளவையும் ஆய்வுக்கு எடுத்துக்கொண்டுள்ளது, இது கோவிட் -19 இலிருந்து வேலைகள் மற்றும் வளர்ச்சியின் தாக்கத்தையும் அதைக் கட்டுப்படுத்தப் பயன்படுத்தப்படும் நடவடிக்கைகளையும் வெளிப்படுத்துகின்றது. பெரும் மந்தநிலைக்குப் பின்னர் கொரோனா தொற்றால் ஏற்பட்டுள்ள ஆழ்ந்த உலகளாவிய மந்தநிலையை எதிர்கொண்டுள்ள மற்ற நாடுகளுடன் ஒப்பிடும்போது இங்கிலாந்து எவ்வாறு முன்னேறுகிறது என்பதையும் இந்த குறிகாட்டிகள் தெளிவுபடுத்துகின்றன.

இங்கிலாந்தின் அதிகாரப்பூர்வ புள்ளிவிவரங்கள் கடந்த ஆகஸ்ட்டில் பொருளாதாரம் வீழ்ந்துள்ளதை உறுதி செய்துள்ளது. மேலும், தொற்று பாதிப்பு எண்ணிக்கைகள் அதிகரிக்கத் தொடங்கியதையடுத்து விதிக்கப்பட்ட கட்டுப்பாடுகளையொட்டி வணிக நடவடிக்கைகளும் சுணக்கம் கண்டுள்ளன என இந்த புள்ளிவிவரங்கள் தெரிவிக்கின்றன.

இருப்பினும், சமீபத்திய தகவலின்படி ஒரு கடினமான குளிர்காலம் நெருங்கி வருவதால் பொருளாதாரத்திற்கு சிக்கல்கள் அதிகரித்து வருவதைக் காட்டுகிறது. தேசிய புள்ளிவிவரங்களுக்கான அலுவலகத்தின் சமீபத்திய புள்ளிவிவரங்கள், ஆகஸ்ட் முதல் மூன்று மாதங்களில், பணிநீக்கங்களின் எண்ணிக்கை கிட்டத்தட்ட இரு மடங்காக, (227,000 ஆக) உயர்ந்துள்ளதை காட்டுகின்றது.

கடந்த பத்து ஆண்டுகளில் வேலையில்லா விகிதம் 4.5% ஆக அதிகரித்துள்ளது, இது ஜூலை மாதத்தில் 4.1% ஆக இருந்தது. வரவுசெலவுத் திட்டத்திற்கான அலுவலகம், அரசாங்கத்தின் பொருளாதார முன்னறிவிப்பாளர், வேலையின்மை விகிதம் 2020 இறுதிக்குள் 12% - சுமார் 4 மில்லியன் மக்களைத் தாக்கும் என்று எச்சரித்துள்ளது என்பது குறிப்பிடத்தக்கது.

மேலும் பிரித்தானியா செய்திகளைப் படிக்க இங்கே அழுத்தவும்