7.5 லட்சம் இந்தியர்கள் வேலையிழக்கும் அபாயம்

Report Print Kabilan in அமெரிக்கா
144Shares
144Shares
ibctamil.com

அமெரிக்க ஜனாதிபதி டொனால்டு டிரம்பின் ‘அமெரிக்கர்களுக்கு முன்னுரிமை’ எனும் திட்டத்தால், சுமார் 7,50,000 இந்தியர்கள் தங்களது சொந்த நாட்டுக்கு திருப்பி அனுப்பப்படும் சூழ்நிலை உருவாகியுள்ளது.

டொனால்டு டிரம்பின் ‘அமெரிக்க பொருட்களை வாங்குங்கள்; அமெரிக்கர்களை மட்டுமே பணியமர்த்துங்கள்’ என்ற கொள்கையை செயல்படுத்தும் வகையில் அமெரிக்க அரசு புதிய திட்டம் ஒன்றை கொண்டுவந்துள்ளது.

அதன்படி, அமெரிக்கர்களுக்கு வேலை வாய்ப்புகளை அளிக்கும் நடவடிக்கைகள் மேற்கொள்ளப்பட்டுள்ளது.

இந்த திட்டத்தினால் H-1B விசா வைத்துள்ள எண்ணற்ற வெளிநாட்டவர்கள் பணியிழக்கும் சூழல் உருவாகியுள்ளது.

அமெரிக்காவில் சிறப்பாக பணிபுரிபவர்களுக்கு H-1B விசா வழங்கப்படும். இது மூன்று ஆண்டுகளுக்கு செல்லுபடியாகும்.

இந்த விசா வைத்திருப்பவர்களின் பணி, திருப்தியளித்தால் மேலும் மூன்று ஆண்டுகளுக்கு விசா நீட்டிக்கப்படும்.

H-1B விசா மூலம் அமெரிக்காவில் பணியாற்றும் ஊழியர்களில் இந்தியர்கள் தான் அதிகம். இவர்களில் பெரும்பாலானோர் அமெரிக்க குடியுரிமையை பெறுவதற்கான ‘Green Card'-க்காக விண்ணப்பித்துள்ளனர்.

இந்நிலையில் அமெரிக்காவின் திட்ட வரைவு கொள்கை செயல்படுத்தப்பட்டால், H-1B விசா வைத்திருப்பவர்களுக்கு பிரச்சனை ஏற்படும்.

அதாவது அமெரிக்க அரசு, உள்நாட்டு பாதுகாப்பு துறைக்கு அனுப்பியுள்ள குறிப்பில், ‘H-1B விசா நீட்டிப்பை நிறுத்திக் கொள்ள வேண்டும்’ என தெரிவிக்கப்பட்டுள்ளது.

அதன்படி, விசா நீட்டிப்பு நிறுத்தப்பட்டால், சுமார் 7 லட்சத்து 50 ஆயிரம் இந்தியர்கள், சொந்த நாட்டுக்கு திருப்பி அனுப்பப்படும் அபாயம் ஏற்படும் என கூறப்படுகிறது.

இதன் காரணமாக அமெரிக்காவிற்கு புதிதாக பணிபுரிய செல்வோர், விசா பெறுவதில் பலத்த சிரமம் ஏற்படும் என தெரிகிறது.

மேலும் அமெரிக்கா செய்திகளைப் படிக்க இங்கே அழுத்தவும்