அமெரிக்காவில் 70 ஆண்டுகளில் முதன்முறையாக மரண தண்டனை விதிக்கப்படும் முதல் பெண் இவர் தான்!

Report Print Balamanuvelan in அமெரிக்கா

அமெரிக்காவில் 1953ஆம் ஆண்டுக்குப் பிறகு முதன்முறையாக ஒரு பெண்ணுக்கு மரண தண்டனை விதிக்கப்பட உள்ளது.

Lisa Montgomery (43) என்ற பெண் தான் கர்ப்பமடையாதததால், கர்ப்பிணியான Bobbie Jo Stinnett (23) என்ற கர்ப்பிணிப்பெண்ணை கழுத்தை நெறித்துக் கொலை செய்து அவரது வயிற்றை வெட்டி, அவரது கருவிலிருந்த குழந்தையை திருடிக்கொண்டார்.

திருடிய குழந்தையை தன் வீட்டுக்கு கொண்டு சென்று தன் குழந்தைபோல் காட்டிக்கொண்ட Lisaவை பொலிசார் கைது செய்தார்கள். அவருக்கு மரண தண்டனை விதிக்கப்பட்டது.

அவரிடமிருந்த குழந்தை மீட்கப்பட்டு Bobbieயின் கணவரிடம் ஒப்படைக்கப்பட்டது. Victoria Jo Stinnett என்னும் அந்த குழந்தைக்கு இப்போது 16 வயதாகிறது.

இந்நிலையில், Lisaவுக்கு டிசம்பர் மாதம் 8ஆம் திகதி மரண தண்டனை நிறைவேற்றப்பட உள்ளது.

விஷ ஊசி போட்டு அவருக்கு மரண தண்டனை நிறைவேற்றப்பட உள்ளது. 1953ஆம் ஆண்டு முதல் அமெரிக்க அரசு பெண்கள் யாருக்கும் மரண தண்டனை விதிக்கவில்லை.

ட்ரம்ப் ஆட்சிக்கு வந்தததும் 17 ஆண்டுகளாக மரண தண்டனைகள் நிறைவேற்றப்படாமல் இருந்த நிலைமையை முடிவுக்கு கொண்டுவந்தார்.

ஜூலைக்குப் பின் ஏழு கைதிகளுக்கு மரணதண்டனை நிறைவேற்றப்பட்டது. இந்நிலையில், இப்போது, 70 ஆண்டுகளில் முதன்முறையாக அமெரிக்காவில் ஒரு பெண்ணுக்கு மரணதண்டனை நிறைவேற்றப்பட உள்ளது குறிப்பிடத்தக்கது.

மேலும் அமெரிக்கா செய்திகளைப் படிக்க இங்கே அழுத்தவும்