கனடாவில் இளம் தொழிலாளர்கள் பணியாற்ற சிறந்த 10 நகரங்கள்

கனடாவில் இளம் தொழிலாளர்களுக்கான சிறந்த 10 நகரங்கள் வெளியிடப்பட்டுள்ளன, இவை உங்கள் எதிர்கால வேலை வாய்ப்புகளை தேர்வு செய்வதில் உதவக்கூடும். 

இந்த தரவுகளை "Youthful Cities" என்ற நிறுவனத்தின் DEVlab திட்டத்தின் மூலம் உருவாக்கப்பட்ட Urban Work Index 2024-இல் அறிவித்துள்ளனர்.

கணவனின் அஸ்தியை உட்கொண்ட விதவைப்பெண்.! துரோகத்தை ஏற்கமுடியாமல் செய்த அவமதிப்பு

இந்தக் குறியீட்டில் இளம் தொழிலாளர்கள் முக்கியத்துவம் வழங்கும் காரணிகள் அடிப்படையில் 30 நகரங்கள் மதிப்பீடு செய்யப்பட்டன.

இவைகளில், காலநிலை நடவடிக்கை, சமத்துவம், இனம் மற்றும் பன்முகத்தன்மை, இளைஞர்களுக்கான நல்ல வேலைகள், கல்வி மற்றும் பயிற்சி, டிஜிட்டல் அணுகல், நகர பொருளாதாரம், தொழில் முனைவு, வசதியுடமை, போக்குவரத்து, மற்றும் ஆரோக்கியம் போன்றவை அடங்கும்.

இந்த தரவுகளை பயன்படுத்தி, கனடாவில் இளம் தொழிலாளர்களுக்கு சிறந்த 10 நகரங்கள் தேர்வு செய்யப்பட்டன.

"இந்தக் குறியீடு நகரங்களுக்கும் வேலை தருநருக்கும், இன்றைய இளைஞர்கள் எந்தவிதமான வேலை சூழலை எதிர்பார்க்கின்றனர் என்பதை புரிந்து கொள்வதில் உதவுகிறது," என Youthful Cities நிறுவனர் மற்றும் தலைமை நிர்வாக அதிகாரி ராபர்ட் பார்னார்ட் தெரிவித்தார்.

பிரித்தானியாவை அச்சுறுத்தும் ஐரோப்பிய ஒன்றிய நாடு.! ஒப்பந்தம் ஒன்றை ஏற்க வலியுறுத்தல்

1. ரொறன்ரோ (Toronto)

ரொறன்ரோ இளம் தொழிலாளர்களுக்கு சிறந்த நகரமாக முதலிடம் பிடித்துள்ளது. நகரின் பொருளாதாரம், டிஜிட்டல் அணுகல், ஆரோக்கியம், சமத்துவம் மற்றும் பன்முகத்தன்மை ஆகியவற்றில் முன்னிலையில் உள்ளது.

கல்வியில் 100 நூலக கிளைகள் மற்றும் 40 நாடுகளில் சர்வதேச உயர்கல்வி பரிமாற்ற வாய்ப்புகள் உள்ளன. இதேபோல், தொழில் முனைவு நடவடிக்கைகளில் கனடாவில் இரண்டாவது இடத்தைப் பிடித்துள்ளது.

இருப்பினும், ரொறன்ரோ கனடாவில் விலை உயர்ந்த நகரங்களில் ஒன்றாகக் காணப்படுகிறது, 32.5% மக்களும் தங்கள் மாத வருமானத்தில் 30 சதவீதத்திற்கும் அதிகமானதை வீட்டு வசதிக்கு செலவிடுகிறார்கள்.

2. வான்கூவர் (Vancouver)

மேற்கு கடலோரத்தை பிரதிநிதித்துவப்படுத்தும் வான்கூவர், காலநிலை நடவடிக்கையில் முதலிடமும், சமத்துவம் மற்றும் பன்முகத்தன்மையில் இரண்டாவது இடத்தையும் பிடித்துள்ளது.

இங்கு அதிக எண்ணிக்கையிலான கறுப்பின சேவை செய்யும் சமூக அமைப்புகள் (91) மற்றும் பழங்குடியின-சேவை சமூக அமைப்புகள் (59) உள்ளன.

ரயில் பாதையில் மின் உற்பத்தி., சுவிட்சர்லாந்து அரசின் புரட்சிகரமான யோசனை

3. மொன்றியல் (Montreal)

மொன்றியல் மூன்றாவது இடத்தில் உள்ளது. நல்ல இளைஞர் வேலைகளில் முதலிடம், காலநிலை நடவடிக்கையில் இரண்டாவது இடம் மற்றும் ஆரோக்கியத்திலும் சிறந்த நிலை பெற்றுள்ளது. மேலும், மிக திறம்பட இயங்கும் பொதுப்போக்குவரத்து அமைப்புக்காகவும் பாராட்டப்படுகிறது.

டாப் 10 பட்டியல்:

1. ரொறன்ரோ (Toronto)

2. வான்கூவர் (Vancouver)

3. மொன்றியல் (Montreal)

4. ஒட்டாவா-காட்டினோ (Ottawa-Gatineau)

5. எட்மொண்ட்டன் (Edmonton)

6. கால்கரி (Calgary)

7. விக்டோரியா (Victoria)

8. கியுபெக் (Quebec)

9. கிச்சனர் – கேம்பிரிட்ஜ் – வாட்டர்லூ (Kitchener – Cambridge – Waterloo)

10. சாண்ட் கத்தரின்ஸ் – நயாகரா (St. Catharines – Niagara)

BMW-வின் CE 02 எலக்ட்ரிக் ஸ்கூட்டர் இந்தியாவில் அறிமுகம்., ஆரம்ப விலை ரூ.4.50 லட்சம்.!

10 best cities for young Canadians to work in, 10 best Canadian cities for young folks to work in Canada, data company Youthful Cities, Urban Work Index 2024