கனடாவில் இலங்கை வம்சாவளி சகோதரர்கள் உட்பட லொட்டரியில் பெருந்தொகை அள்ளிய 10 பேர்கள்

கனடாவில் கடந்த 2023ல் இலங்கை வம்சாவளி சகோதரர்கள் உட்பட 10 பேர்கள் லொட்டரியில் பெருந்தொகை பரிசாக வென்றுள்ளனர்.

அதிர்ஷ்டம் எந்த வயதிலும்

கனடாவின் ரொறன்ரோ பகுதியை சேர்ந்த Noel Patricio என்பவர் Gold Ball jackpot என்ற லொட்டரியில் மொத்தமாக 68 மில்லியன் கனேடிய டொலர்களை பரிசாக வென்றார். வெறும் ஒரு பெட்டியுடன் புதிய வாழ்க்கை அமைத்துக்கொள்ள கனடாவுக்கு குடிபெயர்ந்த சில ஆண்டுகளில் அதிர்ஷ்டம் அவரை தேடி வந்துள்ளது.

Credit: cp24

இருப்பினும், தமக்கு மிகவும் பிடித்தமான தற்போதைய வேலையை தொடர்ந்து செய்ய இருப்பதாகவும் அவர் தெரிவித்திருந்தார். ஒன்ராறியோ பகுதியை சேர்ந்த Camellia Talachi என்பவர் Lotto Max லொட்டரியில் கடந்த ஆண்டு 60 மில்லியன் கனேடிய டொலர் தொகையை பரிசாக வென்றார்.

ஒன்ராறியோவின் மார்க்கம் பகுதியை சேர்ந்த Lai Ching Yau என்பவர் Lotto Max லொட்டரியில் 60 மில்லியன் கனேடிய டொலர் தொகையை பரிசாக அள்ளினார். North York பகுதியை சேர்ந்த 66 வயது பெண்மணி Xiaomin Han என்பவர் Lotto 6/49 என்ற லொட்டரியில் 10.6 மில்லியன் கனேடிய டொலர் தொகையை வென்றார்.

அதிர்ஷ்டம் எந்த வயதிலும் எப்போது வேண்டுமானாலும் கதவை தட்டும் என்பதற்கு இது ஒரு எடுத்துக்காட்டு என்றார் அவர். ஒன்ராறியோவின் King City பகுதியை சேர்ந்த Farhad Farhadi-Amineh என்பவர் ஆயுள் முழுக்க, தினசரி 1,000 டொலர் என்ற லொட்டரி பரிசை வென்றார்.

 Credit: cp24

ஆனால் அதை மறுத்து மொத்தமாக 7 மில்லியன் டொலர் தொகை என்ற முடிவை அவர் இறுதியில் தெரிவு செய்துகொண்டார். ஒன்ராறியோவின் Kleinburg மற்றும் Woodbridge பகுதியை சேர்ந்த இலங்கை வம்சாவளி சகோதரர்கள் அருள்வதனி உதயகுமார், யோகராஜா பொன்னுத்துரை மற்றும் தவராஜா பொன்னுத்துரை ஆகியோர் கடந்த பிப்ரவரி மாதம் Lotto 6/49 என்ற லொட்டரியில் 5 மில்லியன் கனேடிய டொலர் தொகையை வென்றனர்.

விரும்பியது போல 5 மில்லியன் டொலர்

வாழ்க்கையில் பெருந்தொகையை பரிசாக வெல்வோம் என கனவிலும் எண்ணியதில்லை என தவராஜா குறிப்பிட்டிருந்தார். கனடாவின் Mississauga பகுதியில் குடியிருக்கும் 50 வயதான Marek Lewandowski என்பவர் மார்ச் மாதம் Lotto 6/49 என்ற லொட்டரியில் 5 மில்லியன் கனேடிய டொலர் தொகையை வென்றார்.

முதலில் 5,000 டொலர் தொகையை பரிசாக வென்றுள்ளதாக நம்பிய அவருக்கு, பின்னர் தான் மில்லியன் டொலர் தொகையை வென்றதை உறுதி செய்ததாக அவர் தெரிவித்திருந்தார்.

Credit: cp24

ஒன்ராறியோவின் Keswick பகுதியை சேர்ந்த Murray Mainprize என்பவர், Lotto 6/49 என்ற லொட்டரியில் கிடைக்கும் பரிசு தான் ஓய்வு பெறலாமா என்பதை முடிவு செய்யும் எனக் கூறிவிட்டு, பரிசோதித்துள்ளார்.

அவர் விரும்பியது போல அவருக்கு 5 மில்லியன் டொலர் பரிசாக கிடைத்துள்ளது. பிராம்படன் பகுதியை சேர்ந்த Mohd Beg என்பவர் லொட்டரியில் 5 மில்லியன் பரிசாக வென்ற மகிழ்ச்சியில், காத்திருந்த விமானத்தை அன்று தவற விட்டுள்ளார்.

ரொறன்ரோ பகுதியை சேர்ந்த ஓய்வுபெற்ற கட்டுமான ஊழியர் Rafael Mesa Valdes என்பவர் நவம்பர் மாதம் Lotto 6/49 என்ற லொட்டரியில் 5 மில்லியன் டொலர் பரிசாக வென்றார்.