லங்காசிறி FM
விசாவுக்காக பிரித்தானிய தந்தையாக நடிக்க 10,000 பவுண்டுகள்... அதிரவைக்கும் ஒரு மோசடி
Balamanuvelan
in ஐக்கிய இராச்சியம்
பிரித்தானிய குடியுரிமை பெற, புதுவகை மோசடி ஒன்று நடைபெறுவதை, ஊடகவியலாளரான ஒரு பெண், மாறுவேடத்தில் சென்று கண்டுபிடித்துள்ளார்.
பிரித்தானிய தந்தையாக நடிக்க 10,000 பவுண்டுகள்
பிரித்தானியாவில் சட்ட விரோதமாக வாழும் ஒரு புலம்பெயர்ந்த பெண், பிரித்தானியர் ஒருவரால் கர்ப்பமானால், அவருக்குப் பிறக்கும் குழந்தைக்கு தானாகவே பிரித்தானிய குடியுரிமை கிடைத்துவிடும்.
பின்னர், பிரித்தானியக் குடிமகன் அல்லது குடிமகளான அந்தக் குழந்தையை வைத்து, அந்தப் பெண் குடும்ப விசா ஒன்றிற்கு விண்ணப்பிக்கலாம். விசா இருப்பதால் அந்தப் பெண் சட்டப்படி பிரித்தானியாவில் தங்கியிருக்கலாம். அப்படி பிரித்தானியாவில் தங்கியிருக்கும் அந்தப் பெண் பிறகு பிரித்தானியக் குடியுரிமைக்கு விண்ணப்பிக்கலாம்.
இந்த விடயத்தை பயன்படுத்தித்தான் இந்த நூதன மோசடி நடைபெறுகிறது.
குடியுரிமை பெற விரும்பும் குழந்தையின் தந்தையாக நடிக்கும் பிரித்தானியருக்கு 10,000 பவுண்டுகள் வரை கொடுக்கப்படும்.
மாறுவேடத்தில் சென்ற பெண் ஊடகவியலாளர்
இப்படி ஒரு மோசடி நடப்பதை உறுதி செய்வதற்காக, பிரபல ஊடகம் ஒன்றின் ஊடகவியலாளரான ஒரு பெண், தன்னை ஒரு சட்ட விரோத புலம்பெயர்ந்தோராக காட்டிக்கொண்டு அந்த மோசடியாளர்களை சந்தித்துள்ளார்.
வியட்நாம் நாட்டவரான தான் கர்ப்பமாக இருப்பதாகக் கூறி, தன் குழந்தைக்கு பாஸ்போர்ட் பெற விரும்புவதாக அவர் கூற, அது மிகவும் எளிது என்கிறார்கள் அந்த கூட்டத்தைச் சேர்ந்தவர்கள்.
அப்போது, தந்தையாக நடிக்க இருக்கும் நபர் தனக்கு எவ்வளவு பணம் கிடைக்கும் என்று கேட்க, அந்தப் பெண், 9,000 பவுண்டுகள் கொடுக்கலாம் என கூறுகிறார்.
தந்தையாக நடிக்கும் ஆண்ட்ரூ என்னும் அந்த நபர், சிரித்தபடி அந்த ஊடகவியலாளருடன் செல்பிக்கள் எடுத்துக்கொள்கிறார். இந்த ஜோடி உண்மையான தம்பதிதானா என்பது குறித்து அதிகாரிகளுக்கு சந்தேகம் வராமல் இருப்பதற்காக இந்த புகைப்படங்களாம். அதாவது, அந்தப் பெண்ணுக்கு குழந்தை பிறக்கும்போது, அதன் தந்தை ஆண்ட்ரூ என கூறி, அதற்கு பிரித்தானிய பாஸ்போர்ட் பெற்றுத்தருவார்களாம் அந்தக் கூட்டத்தைச் சேர்ந்தவர்கள்.
இப்படி, பணத்துக்காக தந்தைகளை ஏற்பாடு செய்யும் புரோக்கர்கள், ஆண்களும் பெண்களும் பிரித்தானியாவில் இருக்கிறார்களாம்.
ஆக, பிரித்தானியாவில், குழந்தைகளைப் பாதுகாப்பதற்காக அறிமுகப்படுத்தப்பட்ட ஒரு திட்டத்தை தவறாகப் பயன்படுத்தி, இப்படி ஒரு நூதன மோசடி நடக்கும் விடயம் வெளியாகி பெரும் அதிர்ச்சியை உருவாக்கியுள்ளது.
யாழ் நவாலி தெற்கு, Jaffna, பரிஸ், France, மெல்போன், Australia
21 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
தொண்டைமானாறு, காங்கேசன்துறை, London, United Kingdom
23 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
