ஐபோன்களுக்கு அமோக வரவேற்பு! ஒரே நொடியில் ரூ. 114 கோடி மதிப்பிலான ஐபோன்கள் விற்பனை
ஆன்லைனில் நடைபெற்ற சிறப்பு தள்ளுபடி விற்பனையின் போது ஐபோன்களுக்கு அமோக வரவேற்பு கிடைத்துள்ளது. சீனாவில் நடைபெற்ற 618 விற்பனையின் இறுதி நாள் விற்பனை இதனை மேலும் உறுதிப்படுத்தியுள்ளது.
இதுகுறித்து jd.com வெளியிட்டு இருக்கும் தகவல்களின் படி, ரூ. 114 கோடி மதிப்பிலான ஐபோன்கள் அந்நிறுவன வலைதளத்தில் ஒரே நொடியில் விற்பனை செய்யப்பட்டதாக தெரிவிக்கப்பட்டுள்ளது. அதுமட்டுமின்றி மற்ற நிறுவன மாடல்களும் அதிகளவு விற்பனையானது.
குறிப்பாக சீமென்ஸ் மற்றும் சியோமி நிறுவனங்கள் இதே அளவு விற்பனையை மூன்று நிமிடங்களில் பெற்று இருக்கின்றன.
மேலும் வருடாந்திர அடிப்படையில் சாம்சங் நிறுவன விற்பனை 200 சதவீதம் அதிகரித்து இருக்கிறது. முதல் 15 நிமிடங்கள் விற்பனையில் ரியல்மி மற்றும் ஐகூ வருவாய் வருடாந்திர அடிப்படையில் ஆறு மடங்கு அதிகரித்து இருக்கிறது. இதேபோன்று ஆக்டிவ் நாய்ஸ் கேன்சலேஷன் இயர்போன்களின் விற்பனை முதல் பத்தே நிமிடங்களில் 260 சதவீதம் அதிகரித்துள்ளது.
எனினும், ஆப்பிள் நிறுவனம் ஒட்டுமொத்த விற்பனையில் முதலிடம் பிடித்து உள்ளது என்பது குறிப்பிடத்தக்கதாகும்.