அவுஸ்திரேலியாவில் 12 வயது சிறுவன் முகத்தில் துப்பாக்கிச் சூடு: 19 வயது இளைஞர் மீது வழக்கு பதிவு

12 Years Old Boy Shot Dead in Sydney. 19 Years Old Boy Has Been Charged :அவுஸ்திரேலியாவில் 12 வயது சிறுவன் கொலை செய்யப்பட்ட சம்பவத்தில் 19 வயது இளைஞர் மீது குற்ற வழக்கு பதிவு செய்யப்பட்டுள்ளது.

12 வயது சிறுவன் மீது துப்பாக்கிச் சூடு

அவுஸ்திரேலியாவின் சிட்னி நகரின் வடமேற்கு பகுதியில் இந்த ஆண்டு செப்டம்பர் 21ம் திகதி நடந்த துப்பாக்கிச் சூடு சம்பவத்தில் 12 வயது சிறுவன் கொலை செய்யப்பட்டார்.

 துப்பாக்கிச் சூடு தொடர்பான தகவல் கிடைத்ததும் சம்பவ இடத்திற்கு விரைந்து விசாரணையை தொடங்கிய காவல்துறை அதிகாரிகள், முகம் மற்றும் கழுத்து பகுதியில் துப்பாக்கிச் சூடு காயங்களுடன் கிடந்த சிறுவனை மீட்டு மருத்துவமனைக்கு அனுப்பி வைத்தனர்.

சிறுவனுக்கு அங்கு தீவிர சிகிச்சை வழங்கப்பட்ட போதிலும், 3 நாட்களுக்கு பிறகு அந்த சிறுவன் பரிதாபமாக உயிரிழந்ததாக அறிவிக்கப்பட்டார்.

ரஷ்யாவுக்கு எதிராக உளவு பார்த்த ஜப்பானிய பத்திரிகையாளர்: தீவிரமடையும் தூதரக மோதல்

இந்த சம்பவத்தின் போது அந்த வீட்டில் மொத்தம் 9 பேர் வரை இருந்த நிலையில், அதிர்ஷ்டவசமாக வேறு யாருக்கும் எந்தவொரு காயமும் ஏற்படவில்லை.

19 வயது இளைஞர் மீது குற்ற வழக்கு

இந்த சம்பவத்தை தொடர்ந்து காவல்துறையினர் மூன்று 18 வயது இளைஞர்களை கைது செய்தனர்.

விசாரணைக்கு பிறகு 2 இளைஞர்களை எந்தவொரு குற்றச்சாட்டும் இன்றி விடுதலை செய்தனர்.

மூன்றாவது நபரான ஐசக் பெச்சாரா(Isaac Bechara) அவர் மீதான கடுமையான குற்றச்சாட்டை தொடர்ந்து மறுத்து வந்ததாக தெரிவிக்கப்படுகிறது.

இந்நிலையில் அவர் தற்போது 19 வது பிறந்தநாளை எட்டிய நிலையில் அவர் மீது கமையான கொலை குற்றச்சாட்டுகள் பதிவு செய்யப்பட்டுள்ளது.

புதன்கிழமை அவர் நீதிமன்றத்தில் ஆஜர்படுத்தப்பட்ட நிலையில், அவர் ஜாமீன் கோரி விண்ணப்பிக்கவில்லை என்பது குறிப்பிடத்தக்கது.

இந்த சம்பவத்தில் குற்ற கும்பல்களுக்கு ஏதேனும் தொடர்பு இருக்கலாமா என்ற கோணத்தில் நியூ சவுத் வேல்ஸ் காவல்துறையினர் விசாரணையை தீவிரப்படுத்தி வருகின்றனர்.