லங்காசிறி FM
இளவரசி டயானாவின் காதலருடைய தந்தை மீது 150 பெண்கள் புகார்
Balamanuvelan
in ஐக்கிய இராச்சியம்
இளவரசி டயானாவின் காதலருடைய தந்தை தங்களை சீரழித்ததாக சில பெண்கள் புகாரளித்ததைத் தொடர்ந்து, தற்போது, 150க்கும் அதிகமான பெண்கள் அவர் மீது குற்றச்சாட்டுகளை தெரிவிக்க முன்வந்துள்ளார்கள்.
இளவரசி டயானாவின் காதலரின் தந்தை
1997ஆம் ஆண்டு ஜூலை மாதம், எகிப்து நாட்டு திரைப்படத் தயாரிப்பாளரான டோடி என்பவரைக் காதலிக்கத் துவங்கினார் டயானா.
டயானாவின் காதலரான, அந்த டோடியின் தந்தை மீதுதான் பெண்கள் பரபரப்புக் குற்றச்சாட்டுகளைத் தெரிவித்துள்ளார்கள்.
புகழ்பெற்ற Harrods என்னும் ஆடம்பரப் பொருட்கள் விற்பனையகத்தின் உரிமையாளராக இருந்தவரும், இளவரசி டயானாவின் காதலர் டோடியின் தந்தையுமான அந்த சர்ச்சைக்குரிய நபரின் பெயர், முகமது ஃபயத் (Mohamed Fayed).
தான் Harrodsஇல் பணிக்கமர்த்தும் இளம்பெண்கள் தன்னிடம் நெருக்கமாக பழகும் வகையில் அவர்களுக்கு தொல்லை கொடுத்து வந்துள்ளார் ஃபயத்.
ஃபயத் தங்களை சீரழித்ததாகவும், சீரழிக்க முயன்றதாகவும் ஏராளமான பெண்கள் வெவ்வேறு பிரித்தானிய ஊடகங்களுக்கு தொடர்ந்து பேட்டிகள் கொடுத்துவருகிறார்கள்.
150க்கும் அதிகமான பெண்கள் புகார்
தற்போது, 150க்கும் அதிகமான பெண்கள், ஃபயத் தங்களை சீரழித்ததாக புகார் தெரிவித்துள்ளார்கள்.
தனது விருப்பத்துக்கு இணங்க மறுக்கும், இளம்பெண்களை மற்றவர்களுக்கு முன் அவமதிப்பதையும் வழக்கமாக கொண்டிருந்திருக்கிறார் ஃபயத்.
சிறுமிகளைக் கூட ஃபயத் விட்டுவைக்கவில்லை என்கிறார் ஒரு பெண். தன்னுடைய குதிரைகளை கவனித்துக்கொள்ளும் பணிக்கு 15 வயதே ஆன சிறுமிகளை பணிக்கமர்த்துவாராம் ஃபயத்.
அவர்கள் குதிரைகள் மீது அமர்ந்து வர, அங்கே அமர்ந்து அவர்களைப் பார்வையிடுவாராம் அவர். அதாவது, குதிரை ஓட்டும் தங்கள் உடல் அசைவதைக் காண்பதற்காகவே அப்படி ஃபயத் வந்து அங்கு அமர்ந்துகொள்வது வழக்கம் என்கிறார் பெயர் வெளியிட விரும்பாத ஒரு பெண்.
ஃபயத், தன் வீட்டில் யாரும் இல்லாதபோது, தன்னுடன் தன் வீட்டுக்கு வருமாறு பெண்களை அழைப்பது வழக்கம் என்று கூறும் அந்தப் பெண், தனக்கு 15 வயதுதான் என்று தெரிந்தும், தன்னையும் அவர் அழைத்ததாகவும், ஆனால், தனக்கு ஒரு காதலர் இருப்பதாக பொய் சொல்லி தான் தப்பியதாகவும் தெரிவிக்கிறார்.
இப்படி ஏராளம் பெண்கள் வாழ்க்கையில் விளையாடியும், தண்டிக்கப்படாமலே தப்பிவிட்டார் ஃபயத். ஆம், அவர் 2023ஆம் ஆண்டு, ஆகத்து மாதம் 30 ஆம் திகதி மரணமடைந்துவிட்டார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
