16 வயதில் பெரும் தொகை லொட்டரியில் வென்ற பிரித்தானியர்: சில வருடங்களுக்குள் நேர்ந்த துயரம்...
16 வயதே இருக்கும்போது பெரும் தொகை ஒன்றை லொட்டரியில் வென்றார் பிரித்தானிய இளைஞர் ஒருவர். ஆனால், சில வருடங்கள் மட்டுமே அவர் உயிர் வாழ்ந்தார்.
390,643 பவுண்டுகள் பரிசு
வட அயர்லாந்தின் தலைநகரான Belfastஇல் வாழ்ந்துவந்த Callum Fitzpatrickக்கு 16 வயது இருக்கும்போது, அவருக்கு லொட்டரியில் 390,643 பவுண்டுகள் பரிசு விழுந்தது.
Credit: Pacemaker
தன் பெற்றோருடன் மளிகைக் கடையில் வேலை செய்து வந்த Callumக்கு, கார் ஒன்று வாங்கவேண்டும், அந்தக் காரில் இங்கிலாந்திலுள்ள Old Traffordக்குச் சென்று தனது கால்பந்து அணி விளையாடுவதைப் பார்க்கவேண்டும் என்பதுபோன்ற பல கனவுகள் இருந்தன.
ஆனால், தனது 23ஆவது வயதில் திடீரென உயிரிழந்துவிட்டார் Callum.
Callum, தனது தந்தை Colin, தாய் Sheila மற்றும் சகோதரிகள் Tierna, Corragh மற்றும் Meagh ஆகியோரை விட்டுச் சென்றுள்ளார்.
அவர் திடீரென உயிரிழந்ததாக மட்டுமே தெரிவிக்கப்பட்டுள்ளது. ஆனால், அவர் எதனால் உயிரிழந்தார் என்பது குறித்த விவரங்கள் தெரியவரவில்லை.
இளம் வயதில் பெரும் தொகை வென்றும், வாழாமலே வாழ்வை முடித்துவிட்ட Callumஇன் மரணம் அவர் குடும்பத்தாரையும் நண்பர்களையும் துயரத்தில் ஆழ்த்தியுள்ளது.
Credit: Pacemaker Press