தற்கொலை செய்துகொண்ட காதலன்! விரக்தியில் இருந்த 18 வயது காதலி எடுத்த விபரீத முடிவு..கதறும் குடும்பம்

சென்னையில் இளம் பெண்ணொருவர் காதலன் இறந்த துக்கத்தில் தூக்கிட்டு தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது.

கல்லூரி மாணவி

சென்னை வியாசர்பாடியில் ஆட்டோ ஓட்டுநராக பணிபுரிந்து வருபவர் சுரேஷ் (45). இவர் இரண்டாவது மகள் வைத்தீஸ்வரி (18) கல்லூரியில் முதலாம் ஆண்டு படித்து வந்துள்ளார்.

கொடுங்கையூர் கண்ணதாசன் நகரைச் சேர்ந்த பிரவீன் என்ற வாலிபரை வைத்தீஸ்வரி காதலித்து வந்துள்ளார். ஆனால் இருவரும் கருத்து வேறுபாடு காரணமாக பிரிந்துவிட்டதால், பிரவீன் தூக்குப்போட்டு தற்கொலை செய்துகொண்டதாக கூறப்படுகிறது.

தற்கொலை முயற்சி

இதனால் அதிர்ச்சியடைந்த வைத்தீஸ்வரி தூக்க மாத்திரை சாப்பிட்டு தற்கொலைக்கு முயன்றுள்ளார். அதிர்ஷ்டவசமாக அவரது பெற்றோர் அவரை காப்பாற்றி விட்டனர்.

இந்த நிலையில், பெற்றோர் வீட்டில் இல்லாத சமயம் பார்த்து வைத்தீஸ்வரி தனது வீட்டில் தூக்கிட்டு தற்கொலை செய்துகொண்டார். இதனை அறிந்த அக்கம்பக்கத்தினர் அவருக்கு பெற்றோருக்கு தகவல் கொடுத்துள்ளனர்.

மேலும், வீட்டின் கதவை உடைத்து சடலமாக தொங்கிய வைத்தீஸ்வரியின் உடலை மீட்டுள்ளனர்.

கதறி அழுத தந்தை

அதனைத் தொடர்ந்து வீட்டிற்கு வந்த தந்தை சுரேஷ், தனது மகள் சடலமாக கிடப்பதைப் பார்த்து கதறி அழுதார். பொலிசார் நடத்திய முதற்கட்ட விசாரணையில் காதலன் பிரிவால் விரக்தியில் இருந்த வைத்தீஸ்வரி தற்கொலை செய்துகொண்டதாக தெரிய வந்துள்ளது.

காதலனின் இறப்பால் இளம்பெண் தூக்கிட்டு தற்கொலை செய்துகொண்ட சம்பவம் அப்பகுதியில் அதிர்ச்சியை ஏற்படுத்தியுள்ளது.