அர்ஜென்டினாவை உலக கிண்ணத்தில் இருந்து வெளியேற்ற 1 கோடி பேர் கையெழுத்து - என்ன காரணம்?

அர்ஜென்டினாவை உலக கிண்ண தொடரிலிருந்து இருந்து வெளியேற்ற கோரி 1 கோடி பேர் கையெழுத்திட்டுள்ளனர்.

அர்ஜென்டினாவை வெளியேற்ற 1 கோடி பேர் கையெழுத்து

அமெரிக்கா, கனடா, மெக்சிகோவில் நடைபெற்று வரும் 2026 உலக கிண்ண கால்பந்து தொடர் இறுதிக்கட்டத்தை எட்டியுளளது.

முதல் அரையிறுதியில், பிரான்ஸை வீழ்த்தி ஸ்பெயின் வெற்றி பெற்றுள்ளது.

2வது அரையிறுதியில், நடப்பு சாம்பியனான அர்ஜென்டினா, இங்கிலாந்தை எதிர்கொள்கிறது. 

இந்நிலையில், நடுவர்கள் அர்ஜென்டினா அணிக்கு சாதகமாக செயல்படுவதாக மற்ற அணிகள் குற்றச்சாட்டு வைத்துள்ளன.

இந்த உலகக் கோப்பை தொடரில் இதுவரை எந்தவொரு தோல்வியையும் சந்திக்காமல் தொடர்ந்து ஆதிக்கம் செலுத்தி வருகிறது. 

நாக் அவுட் சுற்றில் எகிப்து அணி 2-0 என முன்னிலையில் இருந்தபோது, அந்த அணியின் முக்கியமான கோல் ஒன்று VAR மூலம் ரத்து செய்யப்பட்டதோடு, எகிப்து வீரர் முகமது சலா மீது பெனால்டி எல்லைக்குள் நடந்த தவறான செயலுக்கு நடுவர் அனுமதி மறுத்தார். 

இதனையடுத்து, 3-2 என்ற கோல் கணக்கில் வெற்றி பெற்ற அர்ஜென்டினா காலிறுதிக்கு தகுதி பெற்றது.

இந்த போட்டியின் முடிவு முன்கூட்டியே திட்டமிட்டபட்டது என எகிப்து பயிற்சியாளர் குற்றஞ்சாட்டினார். இது குறித்து, எகிப்து கால்பந்து சம்மேளனம் (EFA) பிபாவிடம் அதிகாரப்பூர்வமாக புகார் அளித்தது. ஆனால் நடுவரின் முடிவு சரியானது என பிபா தெரிவித்தது.

இந்நிலையில், உலக கிண்ண தொடரிலிருந்து அர்ஜென்டினா அணியை வெளியேற்ற வேண்டுமென இனைய வழியில் பிரச்சாரம் முன்னெடுக்கப்பட்டு வருகிறது.

argentinaout.org என்று இணையதளத்தில் அர்ஜென்டினாவை வெளியேற்றுக என 1 கோடி கையெழுத்தை இலக்காக வைத்து பிரச்சாரம் முன்னெடுக்கப்பட்டுள்ளது. 

இதில், "ஃபிஃபாவும் நடுவர்களும் லயோனல் மெஸ்ஸி மற்றும் அர்ஜென்டினாவுக்குச் சாதகமாகப் பாரபட்சமாக நடந்துகொள்கிறார்கள் என்பது வெளிப்படையாகத் தெரிகிறது.

வெற்றியாளர் ஏற்கெனவே தீர்மானிக்கப்பட்டுவிட்ட நிலையில், உலகின் மற்ற நாடுகள் ஏன் போட்டியிட வேண்டும்? அர்ஜென்டினாவை உலகக் கோப்பையிலிருந்து வெளியேற்றி, மற்ற அனைவருக்கும் ஒரு நியாயமான வாய்ப்பைக் கொடுங்கள்." என குறிப்பிடப்பட்டுள்ளது.

இதில், தற்போது வரை 1.04 கோடி பேர் கையெழுத்திட்டுள்ளனர்.