லங்காசிறி FM
தாய்ப்பால் குடிக்காததால் விளக்கெண்ணெய்! வீட்டு வைத்தியத்தால் பரிதாபமாக உயிரிழந்த குழந்தை
தமிழகத்தில் வயிற்று வலியால் அவதிப்பட்டு வந்த குழந்தைக்கு, விளக்கெண்ணெய் கொடுத்ததால், உயிரிழந்த சம்பவம் குடும்பத்தினரிடையே பெரும் சோகத்தை ஏற்படுத்தியுள்ளது.
திருச்சி மாவட்டம் முசிறி தாலுக்கா அய்யம்பாளையம் கிராமத்தை சேர்ந்த தம்பதி பாலமுருகன் – சாந்தி. இவர்களுக்கு ஒன்றரை வயதில், ஆண் குழந்தை உள்ளது. இந்நிலையில், இந்த தம்பதிக்கு கடந்த அக்டோபர் மாதம், இரண்டாவதாக பெண் குழந்தை பிறந்துள்ளது.
பிரசவம் முடிந்த நிலையில் சாந்தி முத்தையநல்லூரில் உள்ள தன் தாய் வீட்டில் இருந்துள்ளார். அப்போது, குழந்தை சரிவர தாய்ப்பால் குடிக்காத காரணத்தால் வயிற்று வலி ஏற்பட்டுள்ளது.
உடனடியாக மருத்துவரிடம் கொண்டு செல்லாமல், அதை சரி செய்வதற்காக, குழந்தைக்கு இரண்டு சொட்டு விளக்கெண்ணெய் கொடுத்துள்ளனர். அதன் காரணமாக குழந்தை கடந்த சில நாட்களாக உடல்நலக் குறைவால் அவதிப்பட்டு வந்துள்ளது.
இதையடுத்து அருகில் இருக்கும் ஆரம்ப சுகாதார நிலையத்துக்கு சிகிச்சைக்காக அழைத்து சென்றுள்ளனர். அங்கு குழந்தையை பரிசோதித்த மருத்துவர்கள் திருச்சி பெரிய ஆஸ்பத்திரிக்கு செல்லுமாறு அறிவுறுத்தியுள்ளனர்.
இதைத் தொடர்ந்து குழந்தை அரசு மருத்துவமனையில் அனுமதிக்கப்பட்டது. தொடர்ந்து குழந்தைக்கு சிகிச்சை அளிக்கப்பட்டு வந்த நிலையில், கடந்த 30-ஆம் திகதி குழந்தை சிகிச்சை பலனின்றி பரிதாபமாக உயிரிழந்தது. இந்த விவகாரம் தொடர்பாக பொலிசார் வழக்குப்பதிவு செய்து விசாரணை மேற்கொண்டு வருகின்றனர்.
இதுதொடர்பாக மத்திய மண்டல காவல்துறை தலைவர் ஐ.ஜி பாலகிருஷ்ணன் வெளியிட்டுள்ள அறிவிப்பில், பொதுமக்கள் தவறான சிகிச்சை முறைகளை தாங்களே கையாள்வதும் உடல்நலம் குன்றி மருத்துவ சிகிச்சை பெறுவதற்கு வரும் முதியவர்கள் , பெண்கள் குழந்தைகள் உள்ளிட்ட அனைத்து தரப்பு பொதுமக்களும் உரிய கல்வித்தகுதி இல்லாமல், முறையான பயிற்சி பெறாமல் தவறான சிகிச்சை அளிப்பதும் சட்டப்படி குற்றமாகும்.
உரிய அங்கீகாரம் இல்லாமால் தவறான மருத்துவ சிகிச்சை அளித்து அதன்காரணமாக நோயாளிகள் உயிர் இழக்க நேரிட்டால் சம்பந்தப்பட்ட நபர்கள் மீது வழக்குப்பதிவு செய்யப்பட்டு உரிய நடவடிக்கை எடுக்கப்படும்.
அதிகபட்சம் 10 ஆண்டுகள் சிறைதண்டனைக்கு உள்ளாக்கப்படுவார்கள் என எச்சரித்துள்ளார்.
அனலைதீவு 5ம் வட்டாரம், Brake (Unterweser), Germany, Munich, Germany
04 Dec, 2024
மலாக்கா, Malaysia, Kuala Lumpur, Malaysia, சரவணை, கந்தர்மடம், London, United Kingdom
08 Dec, 2024
புங்குடுதீவு 8ம் வட்டாரம், முள்ளியவளை
11 Dec, 2021
சித்தங்கேணி, யாழ்ப்பாணம், சிங்கப்பூர், Singapore, கொழும்பு
09 Dec, 2014
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
