லங்காசிறி FM
நீட் தேர்வு- ஒரே நாளில் அடுத்தடுத்து இரண்டு மாணவர்கள் தற்கொலை
ராஜஸ்தான் மாநிலத்தில் கோட்டாவில் நீட் தேர்வு எழுதிய மாணவர்கள் இருவர், ஒரே நாளில் அடுத்தடுத்து தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது.
மகாராஷ்டிராவில் லட்டூர் மாவட்டத்தைச் சேர்ந்த அவீஷ்கர் பிளஸ்2 படித்து வந்தார். இவர் ராஜஸ்தான் மாநிலம் கோட்டாவில் உள்ள ஒரு நீட் பயிற்சி மையத்தில் சேர்ந்து படித்து வந்தார்.
இதற்காக தனது தாத்தா பாட்டியுடன் வாடகை வீடு எடுத்து தாங்கிவந்தார். நேற்று நீட் தேர்வு எழுதிய அவீஷ்கர்,6வது மாடியிலிருந்து குதித்து தற்கொலை செய்துகொண்டார்.
படுகாயமடைந்த அவிஷ்கர் மருத்துவமனைக்கு கொண்டு செல்லும் வழியில் உயிரிழந்துள்ளார். இவர் கடந்த 3 ஆண்டுகளாக நீட் இளநிலை மருத்துவ நுழைவு தேர்வுக்கு பயிற்சி பெற்று வருகிறார்.
பீகாரை சேர்ந்த மாணவர் ஆதர்ஷ் ராஜ், இவர் கோட்டாவில் உள்ள ஒரு நீட் பயிற்சி மையத்தில் படித்து வந்துள்ளார்.இவர் வாடகைக்கு வீடு எடுத்து தங்கி படித்து வந்துள்ளார்.
நேற்று இவர் தனது வீட்டில் தூக்கில் தொங்கினார். இதனையடுத்து மருத்துவமனைக்கு கொண்டு செல்லும் வழியில் உயிரிழந்துள்ளார். இவரும் நேற்று கோட்டாவில் நேற்று நீட் தேர்வு எழுதியது குறிப்பிடத்தக்கது.
ராஜஸ்தானில் கோட்டாவில் இந்த ஆண்டு 2023 தொடங்கியதிலிருந்து நீட் பயிற்சி பயின்று மாணவர்கள் 24 பேர் இறந்துள்ளது குறிப்பிடத்தக்கது.
கோட்டாவில் உள்ள பல்வேறு பயிற்சி மையங்களில் 3 லட்சம் மாணவர்கள் நீட், ஐஐடி ஜெஇஇ உள்ளிட்ட பல்வேறு போட்டித் தேர்வுகளுக்கும் பயிற்சி பெற்று வருகின்றனர்.
இரண்டு மாணவர்கள் தொடர்ந்து தற்கொலை செய்துகொண்ட சம்பவம் குறித்து மாவட்ட ஆட்சியர் ஓ.பி. புன்கார், கோட்டா நகர பயிற்சி மையங்களுக்கு ஓர் உத்தரவு பிறப்பித்தார்.
அதில் அனைத்து பயிற்சி மையங்களுக்கும் அடுத்த 2 மாதங்களுக்கு எந்த தேர்வும் நடத்தக்கூடாது எனவும், பயிற்சி மையங்களின் தங்கும் விடுதிகளில் உள்ள மின்விசிறிகளில் ஸ்ப்ரிங் இயந்திரம் பொருத்த வேண்டும் என்று உத்தரவிட்டுள்ளார்.
அதேபோல் வாரத்தில் ஒரு நாளாவது எவ்வித வகுப்போ தேர்வோ இல்லாமல் மாணவர்களுக்கு முழு விடுப்பு அளிக்க வேண்டும் என்றும் அந்த உத்தரவில் கூறியுள்ளார்.
நீட் தேர்வு எழுதிய மாணவர்கள் இருவர் ஒரே நாளில் தற்கொலை செய்து கொண்ட சம்பவம் கோட்டாவில் அதிர்ச்சியை ஏற்படுத்தியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
