லங்காசிறி FM
ஆசியக்கோப்பை இறுதிப்போட்டி: மழை பெய்ய 90 சதவீதம் வாய்ப்பு!
Kirthiga
in கிரிக்கெட்
ஆசியக்கோப்பை இறுதிப்போட்டியில் மாலை 6 மணி முதல் இரவு 10 மணி வரை இடியுடன் கூடிய மழை பெய்யும் என்று கணிக்கப்பட்டுள்ளது, அதாவது ஆசிய கோப்பை இறுதிப் போட்டியின் போது விளையாட்டில் சிறிது இடைநிறுத்தங்கள் இருக்கலாம் என எதிர்பார்க்கப்படுகின்றது.
இறுதிப்போட்டி
ஆசியக்கோப்பை இறுதிப்போட்டியில் இன்று இந்தியா - இலங்கை அணிகள் மோதுகின்றது. அனைத்து கிரிக்கெட் ரசிகர்கள் மத்தியில் பெரும் எதிர்பார்ப்பு காணப்படுகின்றது. இந்த போட்டியானது இலங்கையில் கொழும்பு நகரில் உள்ள பிரேமதாச மைதானத்தில் நடைபெறவுள்ளது.
இந்நிலையில் மாலையில் மழை வருவதற்கு 90 சதவீத வாய்ப்புகள் காணப்படலாம் என வானிலை முன்னறிவிப்பு கணித்துள்ளது.
வானிலை மாற்றம்
கடந்த இரண்டு நாட்களாக கொழும்பில் மழை பெய்யவில்லை. மேலும் AccuWeather இன் படி, மாலை 6 மணி முதல் இரவு 10 மணி வரை இடியுடன் கூடிய மழை மற்றும் மழை பெய்யும் என்று கணிக்கப்பட்டுள்ளது. அதாவது விளையாட்டில் குறுகிய இடைநிறுத்தங்கள் இருக்கலாம் என தெரிவித்துள்ளார்கள்.
இறுதிப் போட்டி கைவிடப்பட்டால் என்ன நடக்கும்?
இந்தியா-பாகிஸ்தான் இடையேயான சூப்பர் ஃபோர் ஆட்டத்தில் ரிசர்வ் டே இருப்பது போல், ஆசியக் கோப்பை இறுதிப் போட்டிக்கும் செப்டம்பர் 18 ரிசர்வ் நாள் உள்ளது.
மழை பாதித்தால், கட்-ஆஃப் நேரம் வரை ஓவர்கள் குறைக்கப்படும். அதன் பிறகு ஆட்டம் ரிசர்வ் நாளுக்கு மாற்றப்படும். ஞாயிற்றுக்கிழமை ஆட்டம் தொடங்கினால், ஓவர்கள் குறைக்கப்பட்டு மீண்டும் மழையால் நிறுத்தப்படும், ரிசர்வ் நாளில் நடவடிக்கைகள் ஞாயிற்றுக்கிழமை நிறுத்தப்பட்ட இடத்திலிருந்து தொடங்கப்படும்.
ரிசர்வ் நாளையும் ரத்தானால் என்ன ஆகும்?
இவ்வாறு நிகழ்ந்தால் இந்தியா மற்றும் இலங்கை ஆகிய இரு அணிகளும் வெற்றியாளர்களாக அறிவிக்கப்படும். 2002 இல், சாம்பியன்ஸ் டிராபி இறுதிப் போட்டியில், மழையால் இறுதிப் போட்டி ரத்தானதால், இந்தியாவும் இலங்கையும் கூட்டு வெற்றியாளர்களாக அறிவிக்கப்பட்டன. இந்த முறையும் இது நிகழுமா என்று ரசிகர்கள் மத்தியும் ஒர குழப்பம் ஏற்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
பருத்தித்துறை, ஓமான், Oman, India, London, United Kingdom
06 Mar, 2024
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
