லங்காசிறி FM
தென்னாப்பிரிக்கா அணியை 0-1 என வீழ்த்திய கனடா: சூப்பர் 16 சுற்றுக்கு முன்னேறி சாதனை
2026 உலகக் கோப்பை கால்பந்து தொடரில் தென்னாப்பிரிக்கா அணியை வீழ்த்தி காலிறுதி போட்டிக்கு முந்தைய சுற்றுக்கு கனடா முன்னேறியுள்ளது.
சமனில் முடிந்த போட்டி
2026 உலகக் கோப்பை கால்பந்து தொடரில் ஞாயிற்றுக்கிழமை நடைபெற்ற நாக் அவுட் சுற்று போட்டியில் தென் ஆப்பிரிக்கா மற்றும் கனடா அணிகள் மோதின.
நிர்ணயிக்கப்பட்ட ஆட்ட நேர முடிவில் இரு அணிகளும் கோல் எதுவும் அடிக்காமல் ஆட்டம் சமனில் முடிந்தது.
நாக் அவுட் சுற்று என்பதால் போட்டியின் முடிவை உறுதி செய்வதற்காக கூடுதல் நேரம் வழங்கப்பட்டு ஆட்டம் தொடரப்பட்டது.
காலிறுதிக்கு முந்தைய சுற்றுக்கு முன்னேறிய கனடா
போட்டி ஆரம்பத்தில் இருந்தே இரண்டு அணிகளும் சம பலத்துடன் போராடினாலும், கனடா அணி ஆரம்பம் முதலே தாக்குதல் ஆட்டத்தில் ஆதிக்கம் செலுத்தியது.
கனடா அணி 14 முறை கோல் அடிக்க முயற்சி செய்தது, இவற்றில் 7 ஷாட்கள் நேராக கோலுக்கு குறி வைக்கப்பட்டது. இதனால் தென்னாப்பிரிக்க அணியின் கோல் கீப்பருக்கு பெரும் சவாலாக அமைந்தது.
நிர்ணயிக்கப்பட்ட நேரத்தில் போட்டி சமனில் முடிந்தாலும், கூடுதலாக ஒதுக்கப்பட்ட நேரத்தை கனடா அணி சரியாக பயன்படுத்தி கொண்டது. கூடுதல் நேரத்தின் 2வது நிமிடத்தில் கனடா அணியின் ஆண்ட்ரெஸ் ஸ்டீபன் யுஸ்டாக்கியோ தென்னாப்பிரிக்காவின் தற்காப்பை உடைத்து அபாரமான கோல் ஒன்றை அடித்து ஆட்டத்தின் போக்கை மாற்றினார்.
இறுதி வரை தென் ஆப்பிரிக்கா அணியில் பதிலடி கோல் அடிக்க முடியாததால் 0-1 என்ற கணக்கில் கனடா அணி நாக் அவுட் சுற்றில் வெற்றி பெற்றுள்ளது.
A last-minute winner sends Canada to the Round of 16! 👊#FIFAWorldCup
— FIFA World Cup (@FIFAWorldCup) June 28, 2026
மேலும் இந்த வெற்றியின் மூலம் கனடா அணி காலிறுதிக்கு முந்தைய சூப்பர் 16 சுற்றுக்கு முன்னேறி அசத்தியுள்ளது.
தென்னாப்பிரிக்க அணி தன்னுடைய உலகக் கோப்பை கனவை துரதிர்ஷ்டவசமாக முடிவுக்கு கொண்டு வந்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 1ம் வட்டாரம், வேலணை சோளாவத்தை, London, United Kingdom
27 Jun, 2026
யாழ் பருத்தித்துறை வராத்துப்பளை, Jaffna, புற்றளை
25 Jun, 2026
புங்குடுதீவு 5ம் வட்டாரம், ஆறுகால்மடம், பிரான்ஸ், France
24 Jun, 2026
யாழ் மண்டைதீவு 7ம் வட்டாரம், Jaffna, மல்லாவி யோகபுரம், London, United Kingdom
23 Jun, 2026
கொக்குவில், கொக்குவில் கிழக்கு, வெள்ளவத்தை, Le Blanc-Mesnil, France
20 Jun, 2026
