லங்காசிறி FM
Ballot முறையில் 3000 இந்தியர்களுக்கு UK Visa., இன்று முதல் 2 நாட்களுக்கு விண்ணப்பிக்கலாம்
Ragavan
in ஐக்கிய இராச்சியம்
பிரித்தானியா அதன் இந்திய இளம் வல்லுநர்கள் திட்டத்தின் (India Young Professionals Scheme) கீழ் இந்திய நாட்டினருக்கு 3,000 விசாக்களை வழங்குகிறது.
இந்த புதிய திட்டம் இந்திய பட்டதாரிகளுக்கு 2 ஆண்டுகள் வரை பிரித்தானியாவில் வசிக்க, வேலை செய்ய அல்லது படிக்க வாய்ப்புகளை வழங்குகிறது.
விண்ணப்பதாரர்கள் Ballot System-ல் பங்கேற்க வேண்டும். அதாவது இது ஒரு லொட்டரி குலுக்கல் போல, விண்ணப்பிக்க அனுமதிக்கப்படும் 2 நாட்களில் (48 மணிநேரம்) மின்னஞ்சல் மூலம் கிடைக்கப்பெற்ற விண்ணப்பங்கள் சரிபார்க்கப்பட்டு, அதிலிருந்து 3000 பேரை பிரித்தானிய அரசு தேர்ந்தெடுக்கும். அவர்களுக்கு பிரித்தானிய விசா வழங்கப்படும்.
விண்ணப்பதாரர்கள் பிப்ரவரி 20 மதியம் 2:30 PM IST முதல் 22 பிப்ரவரி 2:30 PM IST வரை தங்ககள் விண்ணப்பங்களை அனுப்பலாம். இது முற்றிலும் இலவசம்.
இந்தியாவில் உள்ள பிரித்தானிய உயர் ஸ்தானிகராலயம் தமது உத்தியோகபூர்வ கணக்கின் மூலம் இந்த நிகழ்வைப் பற்றிய விவரங்களைப் பகிர்ந்துள்ளது.
பிரித்தானியாவில் புதிய வாழ்க்கையை தேட ஆர்வமுள்ள இந்திய பட்டதாரிகள் தங்கள் அதிர்ஷ்டத்தை முயற்சி செய்யலாம் என அதில் தெரிவிக்கப்பட்டுள்ளது.
மொத்தத்தில், இந்த ஆண்டு இந்திய இளம் வல்லுநர்கள் திட்ட விசாவிற்கு 3,000 இடங்கள் உள்ளன.
பிரித்தானிய அரசாங்க இணையதளத்தில் உள்ள தகவல்களின்படி, இந்த இடங்கள் பெரும்பாலானவை பிப்ரவரி வாக்கெடுப்பில் தேர்ந்தெடுக்கப்படும். மீதமுள்ளவை ஜூலை வாக்கெடுப்பில் வழங்கப்படும்.
இந்த விசாவிற்கு தகுதி பெற, இந்திய குடிமக்கள் பிரித்தானிய அரசாங்கத்தால் கோடிட்டுக் காட்டப்பட்டுள்ள நிதி, கல்வி மற்றும் பிற தேவைகள் தொடர்பான சில நிபந்தனைகளை பூர்த்தி செய்ய வேண்டும்.
விண்ணப்பதாரர்கள் Ballot-ல் நுழைந்தவுடன், வெற்றிகரமான உள்ளீடுகள் தேர்ந்தெடுக்கப்படும். நீங்கள் அதிர்ஷ்டசாலிகளில் ஒருவராக இருந்தால், விண்ணப்பப் பதிவு முடிந்த 2 வாரங்களுக்குள் உங்கள் வெற்றியை உங்களுக்குத் தெரிவிக்கும் மின்னஞ்சலைப் பெறுவீர்கள்.
பின்னர், ஓன்லைனில் விசாவிற்கு விண்ணப்பிக்க உங்களுக்கு 90 நாட்கள் இருக்கும்.
விசா விண்ணப்ப செயல்முறையின் போது £298 கட்டணம் செலுத்த வேண்டும், இது விசா விண்ணப்பம் மற்றும் குடிவரவு சுகாதார கூடுதல் கட்டணம் ஆகியவற்றை உள்ளடக்கியது.
மேலும், விண்ணப்பதாரர்கள் தங்கள் பயோமெட்ரிக் தகவல்களை வழங்க வேண்டும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
India UK Relations, UK's India Young Professionals Scheme, UK Visa, Uk Visa for Indians by Ballot System, UK Visa Ballot System
நெடுந்தீவு, புங்குடுதீவு 7ம் வட்டாரம், புங்குடுதீவு 3ம் வட்டாரம், Hamilton, Canada
03 Mar, 2025
கோப்பாய் வடக்கு, கைதடி, Wellington, New Zealand, சிட்னி, Australia
07 Mar, 2023
நெடுந்தீவு மேற்கு, பாண்டியன்குளம், வவுனியா, வெள்ளவத்தை, பிரான்ஸ், France
03 Mar, 2022
Kuala Lumpur, Malaysia, உரும்பிராய், Ilford, United Kingdom
12 Mar, 2025
