லங்காசிறி FM
23 வயதில் உச்சப் புகழ்.! பிரெஞ்சு கால்பந்தாட்ட வீரர் கைலியன் எம்பாப்பே பற்றி உங்களுக்கு தெரியாத 5 உண்மைகள்
பிரெஞ்சு தேசிய அணி மற்றும் பாரிஸ் செயின்ட்-ஜெர்மைன் (PSG) கிளப்பிற்காக விளையாடும் உலகப்புகழ் பெற்ற இளம் வீரர் கைலியன் எம்பாப்பே பற்றிய அரிய தகவல்கள் இதோ.
கைலியன் எம்பாப்பே
கைலியன் எம்பாப்பே (Kylian Mbappé) உலகம் முழுவதும் மிகவும் பிரபலமான விளையாட்டு வீரர்களில் ஒருவர். 23 வயது தான் ஆகிறது, ஆனால் அவர் ஏற்கனவே மிகவும் அங்கீகரிக்கப்பட்ட பிரெஞ்சு கால்பந்து வீரர்களில் ஒருவராகவும், உலக சாம்பியனாகவும் உள்ளார். அதுமட்டுமின்றி, கால்பந்து விளையாட்டில் இரண்டாவது மிக விலையுயர்ந்த வீரர்.
பல வீரர்கள் தங்கள் வாழ்நாள் முழுவதும் விளையாடி வாங்கிய பல கோப்பைகளை எம்பாப்பே ஏற்கனவே இந்த இளம் வயதில் ஏற்கெனவே வென்றுள்ளார். தற்போதையை நிலையில், மெஸ்ஸி மற்றும் ரொனால்டோவுக்கு பிறகு உலக முழுவதும் உள்ள அகால்பந்தாட்ட ரசிகர்கள் கவனம் செலுத்தும் வீரராக எம்பாப்பே திகழ்கிறார்.
Photo-Illustration:CNN/Getty Images
Kylian Mbappé பற்றி உங்களுக்குத் தெரியாத 5 உண்மைகள் இங்கே உள்ளன.
அவர் வேறு நாட்டுக்காக விளையாடியிருக்கலாம்
கைலியன் எம்பாப்பே பிரான்சில் பிறந்து வளர்ந்தார், ஆனால் அவரது தாயார் அல்ஜீரிய வம்சாவளியைச் சேர்ந்தவர் மற்றும் அவரது தந்தை கேமரூனைச் சேர்ந்தவர். எனவே, Mbappé அவர் விரும்பினால் அல்ஜீரியா அல்லது கேமரூன் அணிக்காக எளிதாக விளையாடியிருக்கலாம்.
ஆனால் அதற்கு பதிலாக, அவர் Les Bleus என அழைக்கப்படும் பிரான்ஸ் அணிக்காக விளையாடத் தேர்ந்தெடுத்தார். அவர் 2016-ல் பிரான்சுடன் U19 UEFA ஐரோப்பிய சாம்பியன்ஷிப்பை வென்றதிலிருந்து, விரைவில் 2018-ல் உலகக் கோப்பையை வென்றதிலிருந்து இது அவருக்கு சிறப்பாக அமைந்தது.
Twitter@Squawka
உலகக் கோப்பை இறுதிப் போட்டியில் கோல் அடித்த இரண்டாவது டீனேஜ் வீரர்
உலகக் கோப்பை வரலாற்றில், உலகக் கோப்பையின் இறுதிப் போட்டியில் கோல் அடித்த இரண்டாவது பதின்ம வயது இளம் வீரர் எம்பாப்பே ஆவார். அவருக்கு முன் ஒரே ஒருவர் மட்டுமே இதைச் செய்துள்ளார், அவர் வேறு யாருமல்ல, ஜாம்பவான் பீலே மட்டும் தான்.
2018-ஆம் ஆண்டு எம்பாப்பேவின் உலகக் கோப்பை வெற்றியைத் தொடர்ந்து ஒரு ட்வீட்டில், "கைலியன் எனது சாதனைகளைச் சமன் செய்து கொண்டே இருந்தால், நான் மீண்டும் என் காலணிகளைத் தூசி தட்டி எடுக்க வேண்டியிருக்கும்" என்று பீலே நகைச்சுவையாகக் கூறினார்.
Getty Images
பாண்டாக்களுக்கு காட்பாதர்
2021-ஆம் ஆண்டில், பிரான்சின் பியூவல் மிருகக்காட்சிசாலையில் ஒரு சிறப்பு பெயரிடும் விழாவில் இரண்டு பாண்டாக்களுக்கு கைலியன் எம்பாப்பே காட்பாதர் ஆனார். ஆரம்பத்தில், குட்டி பாண்டாக்களுக்கு "Cotton Flower" மற்றும் "Little Snow" என்று பெயரிடப்பட்டது, ஆனால் பின்னர் அவை விழாவில் "Huanlili" மற்றும் "Yuandudu" என்று பெயர் மாற்றப்பட்டன. பாண்டாக்களுக்கு விளம்பரம் மற்றும் விழிப்புணர்வை ஏற்படுத்துவதே காட்பாதராக எம்பாப்பேவின் பங்கு.
ஸ்னீக்கர் விரும்பி
கைலியன் எம்பாப்பே, ஸ்னீக்கர் காலணிகள் மீது மிகவும் விருப்பம் கொண்டவர். ஒவ்வொரு முறை ஒரு புதிய ஜோடி ஸ்னீக்கர்கள் வழங்கப்படும் போதெல்லாம், ஒரு புதிய பொம்மையை வாங்கும் குழந்தை போல மாறிவிடுவதாக அவரே கூறியுள்ளார்.
SoccerBible
தற்போது, எம்பாப்பே Nike நிறுவனத்துடன் ஒரு ஸ்பான்சர்ஷிப் ஒப்பந்தம் செய்துள்ளார் மற்றும் அதன் இணையதளத்தில் "Boutique De Mbappé" என்ற பெயரில் தனது சொந்த பகுதியைக் கொண்டுள்ளார். இது அவரது பூட்ஸ் தேர்வுகளைக் காட்டுகிறது. நூற்றுக்கணக்கானவற்றை அவர் வைத்திருந்தாலும், அவர் இன்னும் தனது சேகரிப்பில் மேலும் சேர்த்துக் கொண்டிருக்கிறார்.
எம்பாப்பே ஒரு தீவிர கேமர் (Gamer)
கைலியன் எம்பாப்பே நீண்ட காலமாக ஒரு வீடியோ கேமராக இருந்து வருகிறார், மேலும் அவர் ஆடுகளப் பயிற்சியில் இல்லாதபோது அல்லது அற்புதமான கோல்களை அடிக்காதபோது, அவர் தனது வீட்டில் FIFA-வின் வீடியோ கேம் விளையாடுவாராம். இந்த வீடியோ கேமுக்கு ஒரு ரசிகராக இருந்து இப்போது FIFA 21 மற்றும் FIFA 22-ன் அட்டைப்படத்தில் அவர் இடம்பெற்றுள்ளார் என்பது, எம்பாப்பேவுக்கு இது ஒரு கனவு நனவான தருணம் எனறு கூறலாம்.
புங்குடுதீவு 4ம் வட்டாரம், ஊர்காவற்துறை, பரிஸ், France
04 Mar, 2025
நெடுந்தீவு, உருத்திரபுரம், ஸ்கந்தபுரம், London, United Kingdom
23 Feb, 2025
புங்குடுதீவு 10ம் வட்டாரம், புங்குடுதீவு, கொழும்பு, Basel, Switzerland
15 Mar, 2022
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025
யாழ்ப்பாணம், Hong Kong, China, Boston, United States, England, United Kingdom
06 Mar, 2025
நயினாதீவு, வண்ணார்பண்ணை, Oberhausen, Germany, Boston, United States
07 Mar, 2025
தெல்லிப்பழை, கொழும்பு, Tellippalai, கலிஃபோர்னியா, United States, North Carolina, United States
10 Mar, 2020
ஏழாலை, யாழ்ப்பாணம், நெடுங்கேணி, திருகோணமலை, நெதர்லாந்து, Netherlands, Milton Keynes, United Kingdom
07 Mar, 2025
யாழ்ப்பாணம், Gravesend, United Kingdom, Kent, United Kingdom
01 Mar, 2025