டெஸ்ட் போட்டியில் அதிவேகத்தில் அரைசதம் அடித்த இந்திய வீரர்கள் இவர்கள் தான்...!

BCCI kapildev rishabhpant virendersehwag INDvSL shardultakur

By Petchi Avudaiappan Mar 16, 2022 11:09 PM GMT

Petchi Avudaiappan

in கிரிக்கெட்

Report

டெஸ்ட் போட்டிகளில் அதிவேக அரைசதம் அடித்த 5 இந்திய வீரர்கள் பற்றி பலருக்கும் தெரியாது. சமீபத்தில் கூட இலங்கை அணிக்கு எதிரான 2வது டெஸ்ட் போட்டியில் ரிஷப் பண்ட் அதிவேகமாக அரைசதம் கண்டு சாதனைப் படைத்திருந்தார்.

இந்த பட்டியலில் 5வது இடத்தில் இந்திய அணியின் முன்னாள் கேப்டன் கபில்தேவ் உள்ளார். 1982 ஆம் ஆண்டு இங்கிலாந்து அணிக்கு எதிராக நடைபெற்ற டெஸ்ட் போட்டியில் வெறும் 33 பந்துகளில் அவர் 50 ரன்கள் அடித்து அசத்தினார். இந்த போட்டியில் கபில் மொத்தமாக 57 பந்துகளில் 89 ரன்கள் அடித்தார். ஆனால் இப்போட்டியில் இந்திய அணி தோல்வியடையந்தது.

டெஸ்ட் போட்டியில் அதிவேகத்தில் அரைசதம் அடித்த இந்திய வீரர்கள் இவர்கள் தான்...! | 5 Fastest 50S By An Indian Player In Test

4வது இடத்தில் இந்திய அணியின் அதிரடி ஆட்டக்காரர் வீரேந்தர் சேவாக் உள்ளார். 2008 ஆம் ஆண்டு சென்னையில் நடைபெற்ற இங்கிலாந்து அணிக்கு எதிரான டெஸ்ட் போட்டியில் அவர் 32 பந்துகளில் அரைசதம் அடித்தார். இந்த போட்டியில் இந்திய அணி வெற்றி பெற்றது.
3வது இடத்தில் இந்திய அணியின் நட்சத்திர இளம் ஆல்ரவுண்டர் ஷர்துல் தாகூர் இடம் பெற்றுள்ளார். 2021 ஆம் ஆண்டு இங்கிலாந்து அணிக்கு எதிராக ஓவல் மைதானத்தில் நடைபெற்ற டெஸ்ட் போட்டியில் 31 பந்துகளில் அவர் அரைசதம் அடித்தார்.
2வது இடத்தில் இந்திய அணியின் முன்னாள் கேப்டன் கபில்தேவ் உள்ளார். பாகிஸ்தான் அணிக்கு எதிரான டெஸ்ட் போட்டியில் கபில்தேவ் 30 பந்துகளில் அரைசதம் அடித்து அசத்தியுள்ளார்.
முதல் இடத்தில் இலங்கை அணிக்கு எதிரான 2வது டெஸ்ட் போட்டியில் 28 பந்துகளில் தனது அரை சதத்தை பதிவு செய்த இந்திய அணியின் அதிரடி வீரர் ரிஷப் பண்ட் உள்ளார் என்பது குறிப்பிடத்தக்கது.

மேலும் கிரிக்கெட் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்