லங்காசிறி FM
பிரான்சில் பயங்கர தீ விபத்து: தாயுடன் 7 குழந்தைகள் மூச்சுத் திணறி மரணம்
பிரான்சில் வீட்டில் ஏற்பட்ட பயங்கர தீவிபத்தில் தாயுடன் சேர்த்து 7 குழந்தைகள் பரிதாபமாக உயிரிழந்த சம்பவம் சோகத்தை ஏற்படுத்தியுள்ளது.
தாயுடன் 7 குழந்தைகள் மரணம்
திங்கட்கிழமை வடக்கு பிரான்சில் தங்கள் வீட்டில் உறங்கிக் கொண்டிருந்த ஒரு தாயும் அவரது 2 முதல் 14 வயதுடைய 7 குழந்தைகளும் தீ விபத்துக்குள்ளாகி இறந்ததாக காவல்துறை மற்றும் தீயணைப்பு வீரர்கள் தெரிவித்தனர். இந்த தசாப்தத்தில் பிரான்சில் ஏற்பட்ட மிக மோசமான தீ விபத்து என கூறுகின்றனர்.
தலைநகர் பாரிஸுக்கு கிழக்கே சுமார் 80 கிலோமீட்டர் (50 மைல்) தொலைவில் உள்ள சார்லி-சுர்-மார்னே நகரில் உள்ள வீட்டில் நள்ளிரவில் தீவிபத்து ஏற்பட்டது.
வீட்டின் தரை தளத்தில் உள்ள துணி உலர்த்தும் இயந்திரம் பழுதடைந்ததால் தீ விபத்து ஏற்பட்டதாக கூறப்படுகிறது.
Alamy Stock Photo
உள்ளூர் நேரப்படி நள்ளிரவு 1:00 மணிக்கு தீ பற்றியபோது அக்கம்பக்கத்தினர் பார்த்துவிட்டு தீயணைப்பு துறைக்கு தகவல் தெரிவித்தனர்.
தந்தை மருத்துவமனையில் அனுமதி
பெண்ணின் கணவரும், கடைசி மூன்று குழந்தைகளின் தந்தை என ர்யப்பட்ட நபர் மட்டும் பலத்த தீக்காயத்துடன் மருத்துவமனையில் அனுமதிக்கப்பட்டுள்ளார்.
அருகில் வசிக்கும் ஒரு தீயணைப்பு வீரர் மற்றும் அவரது சக ஊழியர்கள் வருவதற்கு முன்பு அவர் தலையிட்டதால் அவரது உயிர் காப்பாற்றப்பட்டது.
குழந்தைகளில் 5 பெண்களும் 2 ஆண்களும் அடங்குவர். அவர்களில் நான்கு பேர் தாயின் முந்தைய உறவில் பிறந்தவர்கள்.
பொறியாக மாறிய பாதுகாப்பு நடவடிக்கை
குழந்தைகளும் அவர்களின் தாயும் வீட்டின் இரண்டாவது மாடியில் உள்ள தீப்பிழம்புகளிலிருந்து தஞ்சம் அடைந்தபோது தந்தை தீயை அணைக்க முயன்றதாகத் தெரிகிறது, ஆனால் அந்த நடவடிக்கை ஒரு பொறியாக மாறியது என்று வழக்கறிஞர் கூறினார். கரும்புகை வீடு முழுவதும் சூழ்ந்ததால் அவர்கள் அனைவருக்கும் மூச்சுத்திணறல் ஏற்பட்டுள்ளது.
2600 மக்கள் வசிக்கும் கிராமத்தின் மையத்தில் ஒரு குறுகிய தெருவில் அமைந்துள்ள வீட்டின் மேல் ஜன்னல்களுக்கு ஏணிகளைப் பெறுவதில் தீயணைப்பு வீரர்கள் சிரமப்பட்டனர்.
மின்சாரம் துண்டிக்கப்பட்டதால் வீட்டின் மின்சார ஜன்னல் ஷட்டர்கள் அடைக்கப்பட்டதால் மீட்புப் பணியில் மேலும் இடையூறு ஏற்பட்டது.
கொக்குவில் கிழக்கு, ஆனைக்கோட்டை, London, United Kingdom
21 Jan, 2026
புங்குடுதீவு 12ம் வட்டாரம், புங்குடுதீவு 10ம் வட்டாரம், கொழும்பு
15 Jan, 2024
யாழ் நவாலி வடக்கு, Jaffna, நவாலி வடக்கு, சென்னை, India, London, United Kingdom
10 Jan, 2026
சிங்கப்பூர், Singapore, Sangarathai, மானிப்பாய், நெதர்லாந்து, Netherlands, ஜேர்மனி, Germany
23 Dec, 2025
புங்குடுதீவு 9ம் வட்டாரம், முரசுமோட்டை, சுவிஸ், Switzerland
21 Jan, 2021
