சவாரிகளை ரத்து செய்தும் ஒரு வருடத்தில் ரூ.90 லட்சம் சம்பாதித்த Uber டிரைவர்

70 வயதான Uber டிரைவர் ஒருவர் சவாரிகளை ரத்து செய்ததன் மூலம் சமூக ஊடகங்களில் வைரலாகி வருகிறார்.

தொழில் வாழ்க்கையில் ஒரு சிறு டெக்னிக்கை பயன்படுத்தி ஒரே வருடத்தில் கிட்டத்தட்ட ரூ.92 லட்சம் சம்பாதித்த முதியவர் சமூக வலைதளங்களை அதிர வைக்கிறார்.

ரைடுகளை கேன்சல் செய்து ரூ.92 லட்சம் சம்பாதித்த Uber டிரைவரைப் பற்றி தெரிந்தால், 'இந்த டெக்னிக் தெரியாமல் எவ்வளவு நேரத்தை வீணடித்திருக்கிறோம்?' என்று உங்களுக்கு தோன்றலாம்.

அமெரிக்காவின் வடக்கு கரோலினாவைச் சேர்ந்த பில் என்ற 70 வயது முதியவர் Uber டாக்சி ஓட்டுநராகப் பணியாற்றி வருகிறார்.

ரூ.90 லட்சம் சம்பாதித்த பில்

நிறைய சம்பாதிக்க வேண்டும் என்ற ஆசையில் இருந்த அவர் ஆறு ஆண்டுகளுக்கு முன்பு ஓய்வு பெற்று, ரைடு-ஹெய்லிங் பிளாட்பாரத்தில் Uber டிரைவராக ஆனார். சவாரிக்காக அவர் பெற்ற கோரிக்கைகளில் சுமார் 30 சதவீதத்தை ரத்து செய்தும், கடந்த ஆண்டு இலங்கை பண மதிப்பில் ரூ.92 லட்சம் சம்பாதித்தார். அவரது சூப்பர் டெக்னிக் அமெரிக்காவில் விவாதப் பொருளாகிவிட்டது.

அவர் தனது சவாரி நேரத்தை மிகவும் மதிக்கிறார், அவர் தனது தனிப்பட்ட வாழ்க்கையையும் சமநிலைப்படுத்த ஒரு இறுக்கமான அட்டவணையை பராமரிக்கிறார். வாரத்திற்கு 40 மணி நேரம் வேலை செய்து வந்த ஓய்வு பெற்ற பில், இப்போது 30 மணி நேரம் மட்டுமே வேலை செய்ய முடிவு செய்துள்ளார். தேவை இருந்தால் மட்டுமே வண்டியை எடுக்கிறார். இல்லையெனில் ரத்து செய்துவிடுவார்.

அவர் பெற்ற கோரிக்கைகளில் 30 சதவீதத்தை ரத்து செய்த பிறகும், அவர் ரூ.92 லட்சம் சம்பாதித்தது சமூக வலைதளங்களில் வைரலானது, ஆனால் அமெரிக்காவில் விவாதப் பொருளாகவும் மாறினார்.

உலக கோடீஸ்வரர்கள் பட்டியலில் முகேஷ் அம்பானி சரிவு., அவரது சொத்து மதிப்பு எவ்வளவு குறைந்தது?

வாரத்திற்கு 30 மணி நேரத்திற்கு மேல் ஓட்டவில்லை

இதைப் பற்றி பேசிய பில், வாடிக்கையாளர்களிடமிருந்து பெறப்படும் பெரும்பாலான கோரிக்கைகளை நிராகரிப்பதாக அவர் கூறுகிறார். ஆனால் அதிக தேவை நேரத்தில் மட்டுமே அவற்றை எடுத்துக்கொள்கிறார். வாரத்திற்கு 30 மணி நேரத்திற்கு மேல் உபெர் வாகனத்தை ஓட்டவில்லை என்று அவர் கூறினார்.

சமீபகாலமாக நம்ம ஏரியாவில் டிமாண்ட் அதிகம் இருக்கும் காலங்கள் குறைகிறது. இதனுடன் தனது ரைடுகளும் குறைந்து வருகிறது என்றார். தேவைக்கேற்ப காலை 10 மணி முதல் 2.30 மணி வரை கிடைக்கும். தனக்குப் பிடித்தமான சவாரிகள் கிடைத்தால் எடுத்துச் செல்வேன் என்றார்.

ஆனால், உபெர் இந்த நுட்பத்தைப் பயன்படுத்தும் ஓட்டுனர்களை ஓரங்கட்டும். அவ்வாறு செய்பவர்களுக்கு குறைவான சவாரிகளை ஒதுக்குகிறது. ஆனால், இந்த முதியவர் தனது புதுமையான உத்தியை ரிஸ்க் எடுத்து இவ்வளவு பாரிய தொகையை சம்பாதித்தார்.

சில டெக்னிக்குகளை பயன்படுத்துவேன்

கடந்த கோவிட் காலத்தில், உடல்நலக் குறைபாடு காரணமாக பல ஓட்டுநர்கள் வாகனம் ஓட்டுவதை நிறுத்தியதாகவும், ஆனால் அந்த நேரத்தில் அவர் ஒரு மணி நேரத்திற்கு 50 டொலர்கள் வரை சம்பாதித்ததாகவும் அவர் கூறினார். இப்போது தேவை குறைந்துள்ளது. இதனால் ஒரு மணி நேரத்திற்கு 15 முதல் 20 டொலர்கள் மட்டுமே கிடைக்கிறது என்றார்.

ஆனால் பணம் சம்பாதிப்பதற்காக சில டெக்னிக்குகளை பயன்படுத்துவேன் என்று சிரித்துக் கொண்டே கூறினார். அதன் ஒரு பகுதியாக, வார இறுதி நாட்களில் தேவை இருப்பதால் அந்த சவாரிகளை விடுவதில்லை என பில் கூறுகிறார். வெள்ளி மற்றும் சனிக்கிழமைகளில் இரவு 10 மணி முதல் அதிகாலை 2.30 மணி வரை அவர் தேவைக்கேற்ப சவாரிகளுக்கு செல்கிறார்.

உடல் முழுதும் ரத்தினங்களால் ஆன கடல்வாழ் உயிரினம்.. இந்த நீர்வாழ் உயிரினம் பற்றி தெரியுமா?

ரிஸ்க் எடுத்தால் தான் பணம் சம்பாதிக்கமுடியும்

விமானத்தில் பயணம் செய்பவர்கள் அந்த நேரத்தில் வாடகை வண்டிகளை முன்பதிவு செய்கிறார்கள். எனவே அந்த நேரத்தில் தேவை உள்ளது. 10 முதல் 20 நிமிட பயணத்திற்கு ஒவ்வொரு முறையும் 40 முதல் 50 டொலர்கள் வரை பெறலாம். அதே 35 நிமிட பயணத்திற்கு 30 முதல் 60 டொலர்கள் வரை சம்பாதிக்க வாய்ப்புகள் உள்ளன. அந்த நேரத்தை பயன்படுத்தி குறைந்த நேரத்தில் அதிக பணம் சம்பாதிக்கிறார்.

ஆனால், இது போன்ற நுட்பங்கள் ஓரளவு ஆபத்தானவை. ஊபரின் கூற்றுப்படி, ஓட்டுனர் பயணத்தை மறுத்தால் அல்லது ரத்து செய்தால், அவர்கள் தங்கள் கணக்கிற்கான அணுகலை இழக்க நேரிடும். பில்லும் அப்படிப்பட்ட நிலையை எதிர்கொண்டார். ஆனால் அவர் தனது நுட்பத்தை பின்பற்றுகிறார். அவர் சிரித்துக்கொண்டே பணம் ரிஸ்க்கில் இருந்து தான் கிடைக்கிறது என்று கூறுகிறார்.

குவைத்தில் திருமணமாகாத புலம்பெயர்ந்த இளைஞர்களை பாதிக்கும் புதிய சட்டம்!

 Uber Taxi Driver, 70-year-old Uber driver earns lakhs by cancelling rides, Uber driver from North Carolina, Uber techniques